/  
بیریمجی صحیفه » مقاله لر و باخیشلار » عباس لیسانی و فعالیتلری
Milli Fəal Abbas Lisani rejimin Xiyavdaki Məhkəməsinə çağırılıb. @oguztv

عباس لیسانی و فعالیتلری

اوغوز تی وی:میللی آزادلیق اوغروندا فعالییتی اؤزو اوچون گؤرو(وظیفه) دوشونوب بو گون فارس آپارتایدین دوستاغیندا، سورگونده اولان موباریز عابباس بی لیسانی جینابلارینین پیکت لرده دانیشیقلاریندان دردیییم سؤزلری سیزین له پایلاشیرام:

– بایراقلاری بایراق ائدن اوستونده کی قان دی.

– بیز یئنی بیر مکتب یاراتمامیشیق، بیز یئنی بیر ایده و تفکر گتیرمه میشیک، بیز یئنی بیر مانیفست یازمامیشیق، تا میللتیمیزه تانیش اولمایا. بو حرکتین و بو دردین مانیفستی هر آذربایجانلی دوغولاندا یازیلیب و اونون سینه سینده دیر. آنجاق شوونیست اونو موختلیف یوللارنان کور ائله ییب و سؤندوروب. بو ایچینده بوغرولان کؤزو میللتیمیزین ایچیندن اودا دؤندرمه لی ییک و بو یولدا هر هزینه یه عشق اولسون.

– بو گونلریم شووونیسم محفیلی حرکت لردن نیگران دئییل. بو گونلرین شووونیسم گروهگرایی حرکت لردن نیگران دئییل. بو گونلریم شووونیسم سؤزون ائل ایچینه، خالق ایچینه و کوتله ایچینه گیرمکدن نیگران دیر. اؤز نیگران چیلیغیندا زامان-زامان ان آزی موختلیف توتولانلارین قاباغیندا اعلام ائده رک وحشتین گؤرسه دیب.

– من باتی آذربایجانداکی میللتچی قارداشلاریما و میللته اوز توتاراق بونو عرض ائله مه لییم. اگر موقابیل نوقطه و دوشمنین یاراقلاندیغی یاراقلارا ،یاراقلانماساز، اگر اونون الینده اولان ابزارلار بیزده ده اولماسا اینانیز بو دوشمن فرقلی دیر. بو دوشمن قاپی میزا احضارییه یوللامایاجاق، بو دوشمن قاپی میزا مأمور یوللامایاجاق، بازجویی اوتاقلاردا بیزلردن سووال ائله مه یه جک، بو دوشمن قدار و تروریست بیر دوشمن دیر. بو دیواریمیزدان آشاجاق. حریمیمیزی آیاقلایاجاق. بو بیزیم توپراغیمیزی حتی ناموسوموزادا رحم ائله مییه جک. بو گون لریم تعلل، خییانت دیر اؤز آنا-باجی لاریمیزلارا و میللتیمیزه. آنجاق قارداشیم بیر واقعیتی دئییم. خط مقدم ده اولان قارداش، ان آزی اؤزووو بیر هفته قورومالی سان تا من گلم سنه یاردیم ائدم.

– بیر سیستیم و حاکیمییت کی مینلر کیلومتر اوقیانوسدا یاشایان خاریجده کی اوپوزیسیونون بؤیرونده موازی جریانلار یارادیر. نهایت ده موختلیف یوللارنان بیر خطرناک ساییلانی لوس ائله ییر گؤرون بو اؤز قلمروندا نلر ائدر. موازی جریانلار حرکته خطرناک بیر جریانلاردیلار.

– آزمون-خطالار اولاجاق. موختلیف گروهلار، موختلیف تشکیلاتلار موختلیف آزمونلار و سیناقلاری کئچیرده جه ک تا آذربایجانین میللی حرکت ینین کلییت ین خطره سالمایا.

– توپراق ایر اوغروندا اؤلن وارسا وطن دیر.

– قدرتمدار لا و قدرت صاحیب لری مظلوم خلق لردن داها گئج اویانیرلار. داها گئج باشا دوشورلر. چون گوجون سرمستی اولوب لار.

– فعالییت من اوچون وظیفه دیر هدف دئییل.

Comments,Baxışınız
oguz gif telegram