/  
بیریمجی صحیفه » مقاله لر و باخیشلار » «قادینلار باشقان،ارکک لر عسگر» «ماغیل-ماغیل دوشون،دلی-دلی دانیش»
«قادینلار باشقان،ارکک لر عسگر» «ماغیل-ماغیل دوشون،دلی-دلی دانیش»
«قادینلار باشقان،ارکک لر عسگر» «ماغیل-ماغیل دوشون،دلی-دلی دانیش» آزربایجان تورکونون اوجا سئسی ? ? اوغوزتی‌وی OğuzTV ? @oguztv ???

«قادینلار باشقان،ارکک لر عسگر» «ماغیل-ماغیل دوشون،دلی-دلی دانیش»

اوغوز تی وی:عموم تورک میللتی اؤزللیکله آذربایجان میللتی ایگیدلیک سئور،قهرمان آختاران،هیجان ایسته ین بیر میللت دیر.

ایگیدلیک سئورلیک بو میللتین روحونون اولوشوموندان،فیزیکینین ایشلک لییندن،جغرافیاسینین یئتیرگین لییندن،میللی اینانجلارینین اساسلاریندان ایرلی گلمک ده دیر.

قهرمان آختارماق میللتیمیزین چکیم لرین آشاغی-یوخاریلیغی نی سئزه بیلمه سیندن،هر کسین اؤز یئری اولدوغونو دوشونمه سیندن،اوجسوز-بوجاقسیز گؤردوکلری دونیانی بیر گونشین ایشیقلیغا چیخارا بیلجک اولماسینا اینانج گتیرمه سیندن،قارا یاخایلا آغ یاخانی آییرد ائتمه سیندن ایرلی گلیر.میللتیمیز بیر قهرمانین الیله مین ایللیک یولو بیر ایلده گئده بیلجک لیینه ایناناراق چوخ-چوخ اینجه لیک ایسته ییب قات-قات واسواسلیق آپاران ایشلردن اوزاق گزیر.

میللتیمیزین هیجان ایستمک لییده یاشام طرزیندن دوغولور.فصیللرین،عؤمرونون،اؤلوم-دیریملرین،توم دئییشیملرین دئییشیمینی یاواش-یاواش دویوب، باشا دوشدویوندن دولایی بیردن-بیره لیک اؤزلمی،ال چاتمازلارا ال چاتماقلیق آرزیسی،آراندا یاشاماغا محکوم اولاراق هر بیر آن زیروه لره اولان سئوگیسی، میللتیمیزیدن هیجان ایسته یین بیر میللت یاراتمیش دیر.سانکی هیجان بیر قیزیل آلما کیمی بیزی هر آن اؤزونه چاغیرماق دادیر.

“آسلانین ارکک،دیشی سی اولماز” یا “تورکون قیزی اوغلوندان اوغول،اریندن اردیر” بویوران آتا-بابالاریمییزین “آردیمجا گل،ایزیندن اولما” بویوردوقلارینا باش اییب ایزلرینی ایزله یرک چاغداش دونیامیزین هر بیر اؤزل لیینی دوشونوب،توم قوروم قورولوشلارینی گؤز اؤنوندن قاچیرتماماق زورونلولوغوندا اولوب ساووندوغوموز میللتین نئجه لیک لرینی ده دوشونجه لریمیزه اکلیندن سونرا آنناغیمیزجا بئله بیر سونوجا وارماق اولور.

1. قوروم-قورولوش قورماق ایمکانلاری الیمیزده اولمادیغی اوچون قوروملاری قوروموموز،قورولوشلاری قورولوشوموز ائتمک یوللارینی آراشدیرماغی هر بیر ایش دن اؤنده توتمالییق.

2.ایگیدلیک سئویب،قهرمان آختاریب،هیجان ایسته ین میللتیمیزین کئچن اللی ایلده میللی ایستکلر اوزرینده قادین قهرمانی اولماییب ارکک قهرمانلارینداندا گرکن ایستک لری آلا بیلمه دییندن دولایی سوسقونلوقدان سسلی لییه وارا بیلجک اولاق دئیه بو گونوموزه چاغداش تومروس یا توروسلار گرکیر.آنناغیمیزجا اولدوقجا میدانلاری قادینلارا تاپشیرمالییق.
«قادینلار باشقان،ارکک لر عسگر»
بو ایش تاریخ سورجینده ارکک لرین بیرلشه بیلمه یجک لری،مین آغیزین اورتاق سؤزونو بیر آغیزدان چیخاردا بیلمه یجکلری،میللتین ارکک لری سایماماقلاری آن ضیالی-ضیالی،آیدین-آیدین انسانلارین الیله اولوبدور.آناغیمیزجا یئنه ده تام اولا بیلر!

3.میللتیمیزله اوز-اوزه، گؤز-گؤزه دانیشا بیلجک فرصت لریمیز چوخ-چوخ آز اولدوغوندان گرکیر ان کیچیک فرصت لردن بؤیوک فرصت لر کیمی یارارلاناق.بو یارارلانماغین یولودا بوس بوتون اؤزللیک لری دوشونرک
«ماغیل-ماغیل دوشونوب،دلی-دلی دانیش»ماقدیر.

رامین جبرائیلی اندریان«یاشار»

Comments,Baxışınız
oguz gif telegram