/  
بیریمجی صحیفه » مقاله لر و باخیشلار » قطر بحرانی آمریکانین ایرانا حربی مداخیله ائدجیی ایله باغلی جدی سیگنال اولا بیلر
Biz Tehran-Dəməşq şiə koridorunun formalaşmasının qarşısını almaq üçün istənilən addımı atacağıq

قطر بحرانی آمریکانین ایرانا حربی مداخیله ائدجیی ایله باغلی جدی سیگنال اولا بیلر

اغوزتی‌وی: ایران مولا رژیمی‌ آمریکانین اساس متفیقی اولان عرب اتحادی اوچون جدی باش آغریسیدیر.

بو سؤزلری سون زامانلا آمریکانین فارس مولا رژیمینه قارشی تضییقلری آرتیرماسینی شرح ائد‌ن آنالیتیک ووقار زیفراوغلو دئییب. او بیلدیریب کی، یمنده باش وئره‌نلر بونو تام چیلپاقلیغی ایله اورتایا قویوب:

«اصلینده آمریکانین ایرانا هر هانسی حربی مداخیله ائدجیی ایله باغلی، کیچیک اولسا بئله، احتیمال ایر‌لی سورمک چتیندیر. طبیعی کی، اوبامادان فرقلی اولاراق، آمریکانین یئنی حکومتینین ایرانی یئنیدن اساس هدف کیمی گؤسترمه‌سی، ایلک نؤوبه‌ده بو اؤلکه‌نین یاخین شرقده‌کی مؤقعلرینی گوجلندیرمه‌سی فونوندا باش وئریر. عراق و سورییادان سونرا نؤوبتی عرب اؤلکه‌سینین ایرانین سیاسی نظارتی آلتینا کئچمه‌سینه ائدیلن جهد، اصلینده، وین راضیلاشماسیندان سونرا (۵+۱ آلتیلیق اؤلکه‌لری ایله اتم و نووه بمب راضیلاشماسی)اقتصادی جهتدن ده آوروپا ایله یئنی اقتصادی علاقه‌لرین قورولماسی باخیمیندان رسمی تهرانین ائتدیی گئوسییاسی حمله ایدی. بو باخیمدان ایرانا قارشی هر هانسی بیر حربی مداخیله استثنا اولسا دا، رگیون اؤلکه‌لری واسطه‌سی ایله تهرانین ایزولیه سی و اقتصادی جهتدن سیخیشدیریلماسی یئنیدن جدی شکیلده گونده‌مه گلمکده‌دیر. هله ده داوام ائتمکده اولان قطر بحرانی بونون ایلک جدی سیگنالیدیر»، – دئیه او بیلدیریب.

قید ائدک کی، اؤتن گون آمریکا مرکزی کشفیات ایداره‌سینین (مکی) رهبری مایک پومپو یئنی‌دن ایرانین بؤلگه اوچون تهدید اولدوغونو بیلدیره‌رک، بو اؤلکه‌نی تروریزمین ایسپونسورو آدلاندیرمیشدی.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture