/  
بیریمجی صحیفه » مقاله لر و باخیشلار » ازربايجانين گونئيينده يئني بايراق يارانماياجاق. اورايا آذربايجان ميلي بايراقی گئده‌جک-ائلچی بئی
Bayraq sevgisi Güney Azərbaycanda

ازربايجانين گونئيينده يئني بايراق يارانماياجاق. اورايا آذربايجان ميلي بايراقی گئده‌جک-ائلچی بئی

اوغوزتی‌وی :پارچالانمايا معروض قالميش سياسي شرایط دن آسيلي اولماياراق بوتون آذربايجان تورکلرينين تاريخي پروسئسلرده ميللي کيمليگيني قوروماغي باجارميش ميلتدير.بونونلا برابر زامان‌زامان موستقيلليکلر، ايشغاللار ياشاميش خالقيميز کؤکلو اولاراق ۱۹۱۸-جي ايلده اؤز دؤولتچيليک سيمگه‌لريني معین لشديردي. بو گون دونيادا آذربايجان تورکونو  تمثيل ائدن اوچ رنگلي ميللي بايراغيميز ۱۹۱۸-جي ايلده قوزئيلي گونئيلي آذربايجان رهبرلرينين بيرگه قراري ايله قبول 

بايراق و پرچم (توورکچه سوزودور و ساواش بايراغي دئمکدير)بير ميلتين تاريخي و سيمگه‌سي و اينانجيني آنلاتير. بيز ۷۰۰۰ ایل تاریخ  صاحب اولأن آزربایجان تورکلری یکی سیاسی شرایط دده یاشاساق دا, بير ميلللتيک‌, تک  میلی‌ کیملیکیمیز, تک میلیتیمیز, تک میلی‌ بايراغيميز وار,عینی کوُک و  کچمیش و تاريخيميز وار.

تشکيلاتلاريميزين آزربایجانین گونئینه اؤنردييي بوتون بايراقلارا سايقي دوياراق اونلارين سيمگه‌لري يانليز تشکيلات سيمگه‌سي اولارق سونولدوغلاري سورجده,واونلارين سيمگه‌لري ميلتيميزه تحميل اولارق “ميلي…” یا “گونئی آزربایجانین… ” آدلانديرماديقلاري سورجده, بوتون آذربايجان تورکلري اولاراق اونا حؤرمت اديب و دوشمنه قارشي هر آذربايجانلي کيمي او تشکيلاتين بوتون وارليغيني او جمله‌دن تشکيلات سيمگه‌لريني مودافيعه ائتمه‌ليدير.

 آذربايجان تورک ميلتينين بير بايراغي وار. آزربایجانین گونئینه بایراق یارتمیاق! بو آزربایجانی تکرار پارچالامق دمئک دیر

تاریخ بویونجا اشغال آلتیندا اولان میلتلرین قورتولوش ساواشلاری اولوسلاراراسي آرئنادا نه‌  اییله تمثیل الونور ؟

 

Bayraq sevgisi Güney Azərbaycanda

 ۱-بيرمیلی‌ قورتولوش حرکتي، اؤزلليکله ده اولوسلاراراسي آرئنادا (جامعه بین الملل )سادجه سيمبوللار تمثيل ائده بيلمز. هر هانسي بير حرکت ايدئولوژي آلٔتٔ ياپيسينين مؤحکمليگي،میلی ايدئالارينين و هدفلرينين شفاف و آیدین اولماسی، پوتانسيئلينين گئنيشليغي، پروسئسلره تاثير ايمکانلارينين بؤيوکلوغو، رهبريتينين گوجلولوغو، سياسي کادرلارينين يوکسک سوييه‌سي و …، ائلجه ده سيمبوللاري ايله بيرليکده تمثيل اولوندوقدا داها گوجلو گؤرونر. دئمک کي، حل ائديلمه‌سي گرکن سيمبولدان داها اؤنجه‌ليکلي پروبلئملره يؤنلمه‌ميزده يارار واردير. 

۲. سيمبوللار ميلي ايدئالاري، آمالاري عکس ائتديرديگينده، ميللي وارليغيميزلا بوتونلشديگينده ميللي اولار. ميللي ايدئولوژيني تمثيل ائدن بايراغين چيزگيلريني اَييب‌بوزمکله، اونو قارالاماقلا مللي سيمبول ياراديلماز. بير ميلتين بايراغينين اوستونده اولان هر بویا نومره‌سي و آياري  اندازه‌سي , سيمگه‌سينين نه اولماسي و هاردا اوتورولماسي نه بويدا اولماسي و هانسي بويايا بورونمه‌سي و سايره کيمي آيرينتيلار … هاميسي بير ميلتين تاريخيندن و میلی‌ تراژدی و قهرمانلیقلاریندان و داها مهمی‌ میلی‌ اراده سیندن ايلهام آلينميشدير .

۳. سيمبوللارين ايللا دا بايراق اولماسي گرکمز، آنجاق ميلي حرکاتا ايلا دا بايراق فورماسيندا بير سيمبول گرکلي ايسئه، بو سيموول‌بايراغين طرحيني هانسيسا بير طراحين فانتازييالاريندان دئييل، قهرمانليقلارلا دولو تاريخيميزدن گؤتورمک داها منطيقلي اولمازمي؟ 

مثلا اولو بابکين آل بايراغي,۱۹۴۵ (۱۳۲۴)آزربایجان میلی‌ حوکومتین ستارخان ناقشلی آل بایراقی  ،( ۱۹۱۸ )آزربایجان دولتینیمیزین ایکی فرما بایراقلاریندان بیری…

 دونيا ميلتلري, اؤز دؤولتلري قورولوشوندا و ميللي حرکاتلاردا بئله ائلمييبمي؟

This slideshow requires JavaScript.

 

۴.آذربايجان ميلي حرکاتينين داوامي و ايره‌ليله‌مه‌سي اوچون اونو ميلي ايدئولوژيسي ايله، استراتئژي هدفلري ايله، تاکتيکلر مجموعئسي ايله، داخيلده‌کي و خاريجده‌کي پوتانسيئلي ايله، ايجتيماعي و سياسي تشکيلاتلاري ايله,بوتؤو بير سيستئم حالينا گتيرمک،آذربايجان ميلي حرکاتينين بوتؤن لایه لریندن بير‌بيري ايله آهنگدار وحدتيني ساغلاماق گونوموزون اؤنملي ضرورتيدير.

 دابان‌دابانا ضيد اولان اساس لاری حرکتیمیزین ايچريسينه يئرلشديرمک حرکتیمیزی اؤز ايچيندن چؤکوشونو ساغلاماقدان باشقا بير ايشه ياراماز.
اؤرنگين، بير‌بيريني اينکار ائدن “بوتؤو آذربايجان ميلتي” آنلاييشي ايله “قوزئي آذربايجان ميلتي” و ياخود “گونئي آذربايجان ميلتي” آنلاييسلارينين عئيني دوشونجه سيستئمينين ايچينده يئر آلماسي مومکون دئييلدير.

ماهيتي اينجله‌مه‌يه کئچمه‌دن اؤنجه بايراق چئشيدلرينه و بونلارين بير‌بيري ايله اولان فرقينه اؤتريده اولسا، توخونماقدا يارار واردير.
۱. دؤولت بايراغي، ۲. ميللي بايراق، ۳. تئشکيلات بايراغي.
 

Related image

دؤولت بايراغي: دؤولتلرين حاکيميتيني، سووئرئنليگيني تمثيل ائدر. دؤولت بايراغي ميللي بايراق اولمايا دا بيلر. اؤرنگين، کوسووا اؤز موستقيلليگيني الده ائتديکدن سونرا دؤولتين سينيرلاري ايچريسينده ياشايان ديگر ائتنيک قروپلارين دا وارليغيني نظره آلاراق، پارلامئنت ميللي بايراغي دئييل، يئني بير بايراغي دؤولت بايراغي اولاراق قبول ائتدي. 

ميللي بايراق: بير ميلتين ايدئاللاريني، آماللاريني تمثيل ائدر. بير بايراق، اگر آرخاسيندا ميلتين ميللي ايدئولوگيياسي، ميللي تفککور سيستئمي دورموشسا، ميللي بايراقدير. ميللي بايراق دؤولت بايراغي اولمايا دا بيلر. مثلا، سووئتلر بيرليگي دؤنمينده آذربايجان جمهوريتينين آيريجا دؤولت بايراغي واردي، لاکين بو بايراق کسينليکله آذربايجان ميلي بايراغي دئييلدي. بو گون ايس، ۱۹۱۸-دن بري وار اولان ميللي بايراغيميز آذربايجانين قوزئينده هم ده موستقيل آذربايجان دؤولتينين بايراغيدير. 
تشکيلات بايراغي: موختليف ايقتيصادي، ايجتيماعي، سياسي و ب. قوروم و قورولوشلاري تمثيل ائدر. بوتون سياسي پارتييالاريميزين اؤنرديکلري بايراغلارا پارتي بايراغي اولماق شرطيله حؤرمتله ياناشمالييق آنجاق بير بايراغي “ميلي بايراق” آدلانيرسا  اوردا دوروب دوشونمک لازيمدير!

 

Tehran

۱. بيلديغيميز کيمي، “ميللي” سؤزو “ميلت” کؤک سؤزوندن يارانان، “ميلته مخصوص” ،”ميلته عاييد” آنلاميني ايفاده ائدن بير سؤزدور. “گونئي آذربايجان ميللي بايراغي” ايفاده‌سي ايسه، آذربايجان تورکجه‌سي قراماتيکينه گؤره ايکينجي نوع  تعييني سؤز بيرلشمه‌سي اولوب “گونئي آذربايجان ميلتين(؟)” عاييد بايراق آنلامينا گلمکده‌دير.
ايشين بورايا قدريني دوزگون بير بيچيمده چؤزه بيلديک. چؤزه بيلمه‌ديغيميز یئر ايسه بو يئني اورتايا چيخان “گونئي آذربايجان ميلتي” ايفاده‌سيدير. بو يئني ميلتين تانيمي ندير؟ اؤزليکلري ندن عيبارتدير؟ اونو گونئيلي-قوزئيلي آذربايجان تورک ميلتيندن فرقلنديرن مقاملار هانسيلاردير؟ 

۲.  “گونئي آذربايجان ميلتي” آنلاييشيني فارس شووينيزمي و روس ايمپئريياسينين سادجه سياسي-اينضيباطي معنادا پارچالايا بيلديگي، آنجاق ديلي ايله، مدنيتي ايله، معنوياتي ايله، آمالاري و ايدئالاري ايله بوتؤو اولان بير ميلتي معنوي و ايدئولوژي باخيمدان پارچالاماغا، دولاييسي ايله فارسين و روسون باشلاتديغي، آنجاق تاماملايا بيلمه‌ديگي بير ايشي تاماملاماغا خيدمت ائدن بير آنلاييش اولاراق گؤرمورسونوزمو؟

آذربايجانين قوزئيي نين و گونئي نين آيري-آيري سياسي اوتوريته‌لرين آلتيندا اولماسي قوزئيده ياشايانلارلا گونئيده ياشايانلارين آيري-آيري ميلتلر اولماسي آنلامينا گله بيلرمي؟
بيزجه گلمز. نئجه کي ويتنامليلار گلمه‌دي، نئجه کي آلمانلار گلمه‌دي. سيزجه؟ 
گونئي آذربايجان ميلتي يا ميلي بايراغي دئدغيميزده يئني بير تاريخ يارديريق و قوزئيه باشقا ميلي کيمليک و تاريخ،گونئيئ باشقا ميللي تاريخ و کيمليک وئرميش اولوروق . بو پارچالييجي و خطالي باخيش اساسيندا “ستارخان ،پيشه وري يانليز گونئي آذربايجاندا ياشايان تورک ميلتينين ميلي قرامانلاريدير!! ائلچي بي ،رسولزاده قوزئيده آذربايجان ميلتينين قهرامانيدير” ! ؟ !
بو منطيق بيزي داها پارچالامير بس نه ائدير؟

۳.اونوتماياق “گونئی آزربایجان ” سوزو بیر سیاسی سوزدور، میلی‌ قاورام دئییلدیر.ميللي آنلامدا ميلتين شومالي- جنوبي- باتيسي- دوغوسو- اوتايي – بو تايي اولماز. آزربایجان جغرافیاسیندا تاریخ بویو بير ميلت وار.آذربايجان تورک ميلتي.اونون بیر وطن  آنلاییشی وار, آذربايجان !
تاريخه باخارساق, قوزئي آذربايجان خالق جمهورييتينده گونئيليلر!  و آذربايجان ميللي حؤکومتينده قوزئيلي لر دؤولت مقاملاريندادير. داها اؤنمليسي آذربايجانين پارچالانديغي گوندن گونوموزه قورولان ۴ آذربايجان دؤولتينين (ايکي دؤولت قوزئيده ايکي دؤولت گونويده )هاميسي گونئي-قوزئي سؤزونو ايشلتمييب و وطن و دؤولتچيليک آنلاييشلاريندا سادئجه “آذربايجان” دؤولتي و اؤلکه‌سي وار.
يوخاريدا قئيد ائتديگيميز کيمي، ميلي بايراق ميلتين ميلي تفکور سيستئميني عکس ائتديرر. آذربايجان ميلي ايدئولوژينيين سيمگه‌سي اولان اوچرنگلي، پارلايان آي-اولدوزلو ميللي بايراغيميزدان فرقلي بير “گونئي آذربايجان ميلي بايراغي”,”گونئي آذربايجان سيمگه‌سي ” اورتايا چيخاريليرسا، آيري بير فيکير سيستئميني، آيري بير ميلي ايدئولوژينيين تسيل ائدير دئمکدير.”گونئي آذربايجان سيمگه‌سي /ميلي بايراغي”نين آرخاسيندا دوران ايدئولوژينيين اساسلاري ندن عيبارتدير؟

۴. ميللي بايراغيميزين، هم ده آذربايجان جومهوریتی ينين دؤلت بايراغي اولماسي اولوسلاراراسي پلاتفورمادا(جامعه بین الملل) هر هانسي بير سورون قايناغي دئييلدير.
عدالت و حوقوقنون اوستونلوغو هر زامان اؤن پلاندا توتان دؤولتلرين سينيرلاري ايچريسينده گونئيدن اولان سويداشلاريميزين اوچرنگلي، پارلايان آي-اولدوزلو ميلي بايراغيميز ائشليگينده کئچيرديگي سايسيز آکسييالارين هئچ بيرينده هئچ کيمسه اونلارا “بو بير حوقوق پوزونتوسودور” دئيه موراجيعت ائتمه‌ميشدير.

فينلاندييا کيمي بير حوقوق ديولتي سينيرلاري ايچريسينده ياشايان ايسوئچ کؤکنليلر (توپلام اهالينين ۱۰%-ايني تشکيل ائدير.) مخصوص گونلرده ايسوئچ دؤولت بايراغيني قالديرارلار. هله بو گونه قدر کيمسه اونلاري اولوسلاراراسي حوقوقو پوزماقدا ايتتيهام ائده‌رک بو حاقلاريندان ايمتيناع ائتمه‌يه دعوت ائتمه‌ميشدير. 


۵. ماکئدونيا اؤز موستقيليگيني الده ائتديکدن سونرا ميلي بايراغيني دؤولت بايراغي اولاراق قبول ائتدي. اؤلکه سينيرلاري ايچريسينده ياشايان ماکئدون وطنداشلارينين بو بايراقدان تاثيرلنه‌جگيني دوشونن يونانيستان بو موضوعودان دويدوغو راحاتسيزليغي, اولوسلاراراسي آرئنايا داشيدي.
بونون نتيجه‌سينده بايراغيني دييشديرمزسه، موستقيليگينين تانينماياجاغي تهديدلرينه قدر واران باسقيلارا باخماياراق، موستقيليگينين تانينماماسي باهاسينا اولسا بئله، ماکئدونيا اؤز بايراغيني دييشديرمه‌دي.

چونکي بايراق آسان ياراديلمير(بايراقلاري بايراق ياپان اوستونده‌کي قاندير). چونکي بايراق بيزده سانيلديغي قدر اوجوز دئييلدير. هر کس الينه بير نئچه رنگلي قلم آليب بو ميلته ميللي بايراق یا سمبل  ياراتماغا چاليشيرسا، بايراق قاوراميميز سودان بئله اوجوزا دوشمزمي؟ 

۶.کؤچري کوردلر تاريخ بؤيو دؤولتچيليک گنه‌ليکلرينه صاحيب اولماديغلارينا,آيري-آيري جغرافييالاردا، آيري-آيري سياسي حاکيميتلر آلتيندا ياشامالارينا، ديلرينين بير‌بيريني آنلاماياجاق درجه‌ده فرقلي اولمالارينا باخماياراق، هر واسيطه‌دن ايستيفاده ائده‌رک (او جومله‌دن بايراقدان) اؤزلريني واحيد بير ميلت کيمي دونيايا تقديم ائتميشلر.
۱۹۲۰-جي ايلده بو گونکو تورکيه کؤچري کوردلري ايچريسيندن چيخديغي ايديعا ائديلن بايراغي ۱۹۴۵-۱۹۴۶-دا ايران کوردلرينين آزربایجان میلی‌ حکومتی نین داخلینده   (فدرالیسم بیر رژیمی‌ نده  و تممیل آزربایجان دولتین باغلی)قوردوغو “ماهاباد دؤولتي” رسمي دؤولت بايراغي اولاراق قبول ائتدي. همين بايراق بو گون ايراقين قوزئينده ياراديلان موختار کورد دؤولتينين بايراغي اولماقلا بيرليکده، هم ده بوتون کوردلرين ميللي بايراغي اولاراق تقديم ائديلمکده‌دير.

کوردلرده وضعيت بئله ايکن، بيزيم سيرالاريميزدا بعضيلرينين بوتون واسيطه‌لردن ايستيفاده ائده‌رک، آذربايجانين گونئيي ايله قوزئيي آراسيندا صونعي فرقليليکلر ياراتما جهدلري نه آنلاما گلير؟
بو ذهنيت کيمه خيدمت ائدير؟ 


“بايراغيميز ايدئيا قايناغيميزدير”-ائلچي بي

بير قروپ,چوخ ياخين تاريخيميزي تحريف ائده‌رک، ميللي اؤندريميز ائلچيبگين آديندان ايستيفاده ائده‌رک, آزربایجانین گونئی اوچون  بایراق تحمیل ائتمه‌يه. نه دئييرلر؟
دئييرلر کي، ” ائلچيبي بوتؤو آذربايجان بيرليگي طرفيندن چاپ اولونان “مختصر آذربايجان تاريخي” کيتابيندا يئر آلان طرحي گؤردويونه گؤره و باب کيتابخاناسي سئريياسيندان وئريلديگينه گؤهر، دئمک کي، اونو قبول ائتميشدير”. بير قروپ ايسه داها دا ايره‌لي گئده‌رک ايديعا ائدير کي، ائلچيبي کيتابدا اولان بو طرحي آذربايجانين گونئيي اوچون بعضيلرينجه “گونئي آذربايجان ميللي حرکاتينين سيموولو، بعضيلرينجه ايسئه “گونئي آذربايجان ميللي بايراغي” اولاراق تکليف ائتميشدير. داها اؤنجه‌کي”ميللي بايراق “تشببوسکارلارينين ياراتديغي اولومسوز اورتامي ,عئيني يانليشي عئيني مئتودلا دوزلتمه‌يه چاليشماق،  يانليشي اورتادان قالديرماز، حتّي آذربايجان ميللي حرکاتيندا يانليشلار زينجيرينين اولوشماسينا زمين يارادار. 

اوزلیکلده بو حساس دونم و شرایطده کی‌ آزربایجان میلی‌ حرکاتینیدا رژیمین اطلاعات قوه لری ، تفرقه یاردانلار و ایران چی‌ قولر جیلید آتیر,آزربایجان میلی‌ حرکاتینیا مجازی زوراکی میلی‌ لیدرلر بزمکله و میللته سیراماق ايستنيلير ! ميلي حرکاتي ايراندا رئفورم حرکاتينا سوروکله‌مک ايسته‌ينلر يوز مينلر دولار پول خرجلنيلير و منم منملیک و قیسقانجلیق, ایستیقلالچیلاری اوز ایچینده اسیر ادیب میلی‌ تشکیلاتلاریمیز عملده پاسیودیر .گونی‌‌ آزربایجان داخیلینده میلی‌ حرکتا  اتکیسیز و تاثیر سیز دیرلر   (آبان قیامی- اورمو اولیلاری-..)بو شرایط ده بله بیر باشاریلی  اولماین و باغلانمیش بیر بحثی‌ تکرار  گونی آزربایجان سیمگسی کیمی‌ تانیتماق نقدر دغرودور؟

۱.يوخاريدا آدي کئچن کيتاب، کسينليکله باب (بوتؤو آذربايجان بيرليگي )طرفيندن چاپ اولونماميشدير.سادجه اولاراق، کيتابين مؤليفي باب (بوتؤو آذربايجان بيرليگي )صدرينين ايدئولوژي مسله‌لر اوزره معاويني عاريف رحيم اوغلونا (اللاه اوزون عؤمور وئرسين. ياشايير و ايسته‌ين موراجيعت ائديب سوروشا بيلر) موراجيعت ائده‌رک کيتابين بوتؤو آذربايجان بيرليگي کيتابخاناسي سئريياسيندان گئتمه‌سينده بير ساخينجا اولوب اولماديغيني سوروشموشدور. عاريف بي همين کيتابي ائلچيبه‌يه گؤتوره‌رک مؤليفين ريجاسيني اونا چاتديرميشدير. ائلچيبي کيتابي اينجله‌ديکدن سونرا محتواني بينديگيني، کيتابين بوتؤو آذربايجان بيرليگي کيتابخاناسي سئريياسيندان گئتمه‌سينده بير ساخينجا اولماديغيني ايفاده ائتميشدير. (ايستات)

معلوم طرحده آي-اولدوزون ندن قارا رنگده اولدوغونو سوردوغوندا ايسئ، عاريف بي “بو گون گونئي اسارتده‌دير. گونئي ايستيقلاليني قازانديغيندا من ده آي-اولدوزو آغارداجاغام” دئيه مؤليفين فيکريني ائلچيبي يه چاتديرميشدير. ائلچيبي “بو دا بير فيکيردير” دئييب  اوستوندن کئچميشدير. ديقت ائدرسنيز، بو ديالوقدا سيموولدان و يا بايراقدان کسينليکله صؤحبت گئتمير. سادجه اولاراق، ائلچيبي گونئيين ايستيقلالي آرزوسو ايله باغلي مولليفين خيال گوجونه حؤرمتله ياناشاراق، “بو دا بير فيکيردير” دئميشدير. (ايستات)

۲. کيتابين کيمين طرفيندن سپونسورلوق ائديلديگي، کيملر طرفيندن چاپ و نشر اولوندوغو، ائلجه ده مؤليفينين گئرچک کيمليگي بيزه تاماميله معلومدور. 

 

داها تضادلي يئري بوردادير : اگر ايديعا ائديرلر کي بيز گونئي آذربايجان ايستيقلالي اوچون و يارانان يئني گونئي دؤولتيني دونيا آرئناسيندا تانيتماق و قوزئي آذربايجان دؤولت بايراغي ايله ترس دوشووب سورون دوغماماسين دييئه بير کئچيجي سياسي بايراغا احتيياجيميز وار ! و  قوزئي -گونئي  ايکي دؤولتيميزين بوتؤولشمه‌لرينه قدرگونئي دؤولتينين دؤلت بايراغينين يارانماسينا نیاز دوغارسا ! اوزامان
آ:”گونئي ايستيقلاليني قازانديغيندا آي-اولدوز آغارارسا ” گینه آذربايجانين گونئيي و آذربايجانين قوزئي ,  دؤولترینين بایراقلاری عینی اولاجاق و بوتؤولشمه‌يه قدر , گینه گونئي -قوزئي دؤولتلري ادعا ائتديگيني عيني سيمئگه سورونو ياشياجاق.
هانسي سورون حل اولوندو؟
ب:اگردونيا دؤولتلري گونئي آذربايجان دؤولتيني تانيماق حدينه گليب چاتسالار ،دئمک آذربايجاندا بير مجليس و بير حاکمييت واردير،اوزمان آذربايجان تورک ميلتي, گرچک آنلامدا ميللي ايراده‌يه داياناراق اؤز دئموکراتيک ملي مجليسينده کئچيجي دؤولت بايراغي (میلی‌ بایراق دئیل سیاسی پرچمدی کی‌ دولتی کچیجی تمثیل ادجک)سئچر. گونئي آذربايجان باغيمسيز ائدن چوخونلوقون اؤنرديگي بايراق بوتوولويه قدر دؤولت بايراغي اولماسي دوغرو دئيلمي؟ 

۳. آدي چکيلن کيتابدا بايراق و يا سيمبول دئيه تک بير سؤزون بئله کئچمه‌ديگي حالدا، سادجه باب کيتابخاناسي سئريسيندن گئدن بير کيتابدا يئر آلديغينا گؤره هر هانسي بير رسمي اثري و يا طرحين ائلچيبئين گونئيه بايراق و يا سيمبول اؤنريسي کيمي تقديم ائديلمه‌سيني تشببوسون ايدئيا باباسي و يا ايدئيا بابالارينين منطيق ضعیفليگي ايله ايضاح ائتمک سادلؤوحلوک اولار دئيه دوشوندورور.

۴. بيز “گونئي آذربايجان” و يا “قوزئي آذربايجان” دئديگيميزده تفککوروموزده آذربايجانين پارچالانميشليغيني قبول ائتميش، روس و فارس شووينيزمينين ايراده‌سينه بويون اَيميش کيمي گؤرونوروک” دئيه بيزلري بو سؤزلرين يئرينه “آذربايجانين گونئي” ،”آذربايجانين قوزئيي” کيمي ايفاده‌لري ايشلتمه‌يه چاغيران ائلچيبي, آذربايجانين گونئي اوچون ميللي بايراغيميزدان فرقلي بير “ميللي بايراق” تکليف ائدرمي؟
آيري-آيري ميلتلرين آيري-آيري ميلي بايراقلاري اولا بيله‌جگيني، عئيني ميلتين ايسه سادجه بير ميللي بايراغي اولا بيله‌جگيني بيزلره اؤيرتديغي حالدا، آذربايجانين گونئيينه آيريجا بير ميلي بايراق تکليف ائتمه‌سي ائلچيبئين اؤزو‌-اؤزونو اينکار ائتمه‌سي آنلامينا گلمزمي؟
ائلچيبين اؤزو اؤزونو اينکار ائدن بير ليدئر اولدوغونا اينانيرسينيزمي؟ 

۵. ائلچيبي آراشديريب اؤيرننلر بيليرلر کي، ائلچی بئين بايراق موضوعسو ايله باغلي تفسيره احتيياجي اولمايان واضح  فيکيرلري واردير. 

بونلاردان بعضيلري: 
*…ازربايجانين گونئيينده يئني بايراق يارانماياجاق. اورايا بو بايراق گئده‌جک. (ائلچي دوشونجه‌لري، صحيفه : ۱۱۵) 
* من دئميشم کي، بو بايراق تبريزده دالغالاناجاق. اونو مرندلي ده، تبريزلي ده، گنجه‌ليده، برده‌لي ده سانجا بيلر. اونو سانجان آدامي من باغريما باساجاغام و او منيم قارداشيم اولاجاق. آنجاق، اونو من سانجسام، بو منيم بؤيوک خوشبختليگيمدير، ان بؤيوک شرفيمدير. (بوتؤو آذربايجان يولوندا، صحيفه : ۲۸۰) 
* من امينم کي، ياخين واختلاردا اوچرنگلي بايراغيميز آذربايجانين گونئيينده ده دالغالاناجاق. آذربايجانين گونئيينده، اصلينده اونو گيزلي اولسا، داشيييرلار. (بوتؤو آذربايجان يولوندا، صحيفه : ۳۲۷) 

سون سؤز: 

سيوينديريجيدير! آذربايجانين گونئيينده، يئتيشن يئني نسيل ميلي بايراغيني تانير! پارچالييجي اويونلارا گلمير !
گلين ميلتيميزين قان باهاسينا،جان باهاسينا الده ائتديگي ديرلري بيرليکده قوروياق. بو ميلتين آييني، اولدوزونو قارالتماياق،آي اولدوزون بوزميگ,رنگلريني اَيمييق, ايشيق‌ايدئيا قايناقلاريني قوروتماغا چاليشمياياق.


This slideshow requires JavaScript.


ائلچي دوشونجه‌لري، ائلچيبي
-بوتؤو آذربايجان يولوندا -ائلچي
ائلچی بئی چیخیشلاری
ايستات:بحثی‌ گدن جمعده ان یتکیلی و صلاحیتلی اولأن شخص ،الچی بئیین گونئی آزربایجان  اوُزره بیرنجی‌ معاونی چینگیز گوک تورک مقاله لریندن 

 

Comments,Baxışınız
oguz gif telegram