/  
بیریمجی صحیفه » مقاله لر و باخیشلار » ازربايجانين گونئيينده يئني بايراق يارانماياجاق. اورايا آذربايجان ميلي بايراقی گئده‌جک-ائلچی بئی
Bayraq sevgisi Güney Azərbaycanda

ازربايجانين گونئيينده يئني بايراق يارانماياجاق. اورايا آذربايجان ميلي بايراقی گئده‌جک-ائلچی بئی

اوغوزتی‌وی : حرکاتدا بعضی‌ بئللی اوداقلاردان سون زامانلار سبسیز و قالماقالی بحث لرین یاراتیلماسینا شاهد اولوروق.

بعضيلر ايددعا ائديرلر گونئي آزربایجان میلتی وار و گرک گونئي آذربايجان ميلتينه ميللي بايراق ياراداق! بعضيلريده دئييلر بيز ميللي حرکاتا بايراق ياراتامالييق! بعضيلري دئييلر یوخ, بیز گونئي آزربایجان ايستيقلاليت و !دؤولتچيليک اوچون مووقت سياسي بايراق ياراتمالييق بعضی‌ لریده دییر لر گونئي آزربایجان آدینا میلی‌ سیمگه یاراتمالییق !

انجاق گلین گورک آزربایجانین گونئيی نه دمئک ، میلی‌ بایراق نه دمئک؟ سیاسی بایراق نه دمئک ؟ دولت بایراقی نه دمئک ؟
گلین گورک “گونئي آذربايجان ميلتي”سؤزو و آنلاييشي بيزي هارا آپارير؟

گلين باخاق, تاریخ بویونجا اشغال آلتیندا اولان میلتلرین قورتولوش ساواشلاری,  اولوسلاراراسي آرئنادا و سياست بين المللده نه‌ ایله تمثیل الونور ؟
بوگون اولوسلار آراسي حقوق و سياست بين الملل و بيرلشميش ميلتلر 

, ايشغال آلتيندا اولان ميلتلرين ميللي ايستيقلال حاقلاريني و قورتولوش حرکاتلاري اوچون نئجه باخير؟
بو سورولارا جواب وئرمه‌دن اؤنجه بیر قیسسا مقدمه‌ و علمی‌ اولاراق  جامعه بين المللده بايراق چئشيدلرينه , و بونلارين بير‌بيري ايله اولان فرقينه توخونماقدا يارار واردير.

ایلک اولارق از نظر جامعه شناسی‌ دئملییک کی, پارچالانمايا معروض قالميش،سياسي شرایطدن آسيلي اولماياراق بوتون آذربايجان تورکلري بوتون تاريخي پروسئسلرده ملي کيمليگيني قوروماغي باجارميش ميلتدير. آذربايجان سياسي استاتوسجا پارچالانميش اولا بيلر، آنجاق آزربایجان تورک میللتی او تايلي دا، بو تايلي دا عئينيدير.یعنی‌ بيرسؤزده  , بيرميلت ايکي سياسي استاتوس.

بيز ۷۰۰۰ ایل تاریخه صاحب اولأن آزربایجان تورکلری ایکی سیاسی شرایط ده یاشاساقدا, ! تک میلی‌ کیملیکیمیز, تک میلیتیمیز,عینی کوُک و کچمیش و تاريخيميز وار.یعنی ملی سوزونده بوتون آذربايجان تورکلري مشترکیک.بوگون ايران ايشغاليندا اولان آزربايجانليلار ،تورکييه و ايراق ترکيبينده اولان آذربايجانليلار ،گورجوستان و روسيا و ائرمنيستان ايشغاليندا اولان آذربايجانليلار ,هاميسي بير ميللي کيمليکلري وار! سياسي کيمليکلري پاسپورتلاريندا فرقلنسه بئله!

 

اونا گوره گئلین بايراق چئشيدلرينه و بونلارين بير‌بيري ايله اولان فرقينه باخاخ:
۱. دؤولت بايراغي، ۲. ميللي بايراق، ۳. تئشکيلات بايراغي. 


Related image

دؤولت بايراغين تعريفي: دؤولتلرين حاکيميتيني، سووئرئنليگيني تمثيل ائدر. دؤولت بايراغي ميللي بايراق اولمايا دا بيلر اولا دا بيلر.
اؤرنگين، کوسووا اؤز موستقيلليگيني الده ائتديکدن سونرا دؤولتين سينيرلاري ايچريسينده ياشايان ديگر ائتنيک قروپلارين دا وارليغيني نظره آلاراق، پارلامئنت ميللي بايراغي دئييل، يئني بير بايراغي دؤولت بايراغي اولاراق قبول ائتدي.

ميللي بايراغين تعريفي: بير ميلتين ايدئاللاريني، آماللاريني تمثيل ائدر. بير بايراق، اگر آرخاسيندا ميلتين ميللي ایدئولوژیسي، ميللي تفککور سيستئمي و داها مهمی‌ میلی‌ اراده سی دورموشسا، ميللي بايراقدير. ميللي بايراق دؤولت بايراغي اولمايا دا بيلر اولا دا بيلر. مثلا، سووئتلر بيرليگي دؤنمينده آذربايجان جمهوريتينين آيريجا دؤولت بايراغي واردي، لاکين بو بايراق کسينليکله آذربايجان ميلي بايراغي دئييلدي.

ميللي بايراق دؤولت بايراغيدا اولا دا بيلر.بو گون ايسه، ۱۹۱۸-دن بري وار اولان ميللي بايراغيميز آذربايجانين قوزئينده هم ده موستقيل آذربايجان دؤولتينين بايراغيدير عئيني زاماندا,هر آزربايجان تورکونون, جغرافيياسي و سياسي وضعيتيندن آسيلي اولماياراق ميللي بايراغيدير.

تشکيلات بايراغين تعريفي:موختليف ايقتيصادي، ايجتيماعي، سياسي و بوکيمي قوروم و قورولوشلاري تمثيل ائدر. بوتون سياسي پارتييالاريميزين اؤنرديکلري بايراغلارا پارتي بايراغي اولماق شرطيله حؤرمتله ياناشمالييق آنجاق بير بايراغي “ميلي بايراق” آدلانيرسا اوردا دوروب دوشونمک لازيمدير!

 

سورو :  گونئي آذربايجان آدينا و يا گونئي آذربايجان ميلليسي آدينا بير شئي ياردانلارين دوشونجه‌سينده ميلت مفهومو ندير؟”گونئي آذربايجان سيمگه‌سي “گونئي آذربايجان ميلي بايراغي / گونئي آذربايجان حرکاتينين بايراغي يا سيمگه‌سي” نين آرخاسيندا دوران ايدئولوژينيين اساسلاري ندن عيبارتدير ؟
بيلديغيميز کيمي، “ميللي” سؤزو “ميلت” کؤک سؤزوندن يارانان، “ميلته مخصوص” ،”ميلته عاييد” آنلاميني ايفاده ائدن بير سؤزدور. “گونئي آذربايجان ميللي بايراغي”,يا”گونئي آذربايجان ميللي حرکاتينين بايراغي يا سيمگه‌سينين” ايفاده‌سي ايسه، آذربايجان تورکجه‌سي قراماتيکينه گؤره “گونئي آذربايجان ميلتين(؟)” عاييد بايراق آنلامينا گلمکده‌دير.
ايشين بورايا قدريني دوزگون بير بيچيمده چؤزه بيلديک ایسه . چؤزه بيلمه‌ديغيميز یئر ايسه بو يئني اورتايا چيخان “گونئي آذربايجان ميلتي” ايفاده‌سيدير. بو يئني ميلتين تانيمي ندير؟ اؤزليکلري ندن عيبارتدير؟  فرقلنديرن مقاملار هانسيلاردير؟ گونئيلي-قوزئيلي آذربايجان تورک ميلتيندن فرقلنديرن مقاملار سادئجه ۲۰۰ ايل باشقا دؤولتلرين ايشغاليندا قالمالاريمي؟

“گونئي آذربايجان ميلتي” آنلاييشيني فارس شووينيزمي و روس ايمپئريياسينين سادجه سياسي-اينضيباطي معنادا پارچالايا بيلديگي، آنجاق ديلي ايله، مدنيتي ايله، معنوياتي ايله، ميلي کيمليک ايله ,ميلي تاريخ و ميلي ايدئالاري ايله بوتؤو اولان بير ميلتي معنوي و ايدئولوژي باخيمدان پارچالاماغا گوجو یتمدیی  ، دولاييسي ايله فارسين و روسون باشلاتديغي، آنجاق تاماملايا بيلمه‌ديگي بير ايشي تاماملاماغا خيدمت ائدن بير آنلاييش اولاراق گؤرمورسونوزمو؟
آذربايجانين قوزئيي نين و گونئي نين آيري-آيري سياسي اوتوريته‌لرين آلتيندا اولماسي قوزئيده ياشايانلارلا گونئيده ياشايانلارين آيري-آيري ميلتلر اولماسي آنلامينا گله بيلرمي؟ بيزجه گلمز. نئجه کي ويتنامليلارا گلمه‌دي، نئجه کي آلمانلارا گلمه‌دي. یمن لی لره گلمدی!  سيزجه؟

اونوتماياق “گونئی آزربایجان ” سوزو بیر سیاسی سوزدور، گونوموزده “گونئی آزربایجان سوزو “میلی‌ قاورام دئییلدیر .ميللي آنلامدا ۱ ميلتين شومالي- جنوبي- باتيسي- دوغوسو- اوتايي – بو تايي اولماز. آزربایجان جغرافیاسیندا تاریخ بویو بير غالب ميلت وار.آذربايجان تورک ميلتي.اونون بیر وطن آنلاییشی وار, آذربايجان !اونون بیر ميليت آنلاییشی وار, آذربايجان تورکو!

پس دابان‌دابانا ضيد اولان اساس لاری حرکتیمیزین ايچريسينه يئرلشديرمک حرکتیمیزی اؤز ايچيندن چؤکوشونو ساغلاماقدان باشقا بير ايشه ياراماز.
اؤرنگين، بير‌بيريني اينکار ائدن “بوتؤو آذربايجان ميلتي” آنلاييشي ايله “قوزئي آذربايجان ميلتي” و ياخود “گونئي آذربايجان ميلتي” آنلاييسلارينين عئيني دوشونجه سيستئمينين ايچينده يئر آلماسي مومکون دئييلدير
گونئي آذربايجان ميلي بايراغي يا ميلتي دئدغيميزده يئني بير تاريخ و کيمليک يارديريق و قوزئيه باشقا ميلي کيمليک و تاريخ،گونئيئ باشقا ميللي تاريخ و کيمليک وئرميش اولوروق . بو پارچالييجي و خطالي باخيش اساسيندا او زمان آيا دئمه‌لييک کي “ستارخان ،پيشه وري يانليز گونئي آذربايجاندا ياشايان تورک ميلتينين ميلي قهرامانيدير” !! ائلچي بي ،رسولزاده قوزئي آذربايجان ميلتينين قهرامانيدير” ! ؟ !
اگر بو باخيش و بو منطيق بيزي داها پارچالامير بس نه ائدير؟

تاريخه باخارساق, قوزئي آذربايجان خالق جمهورييتينده گونئيليلر! و آذربايجان ميللي حؤکومتينده قوزئيلي لر دؤولت مقاملاريندادير.
داها اؤنمليسي آذربايجانين پارچالانديغي گوندن گونوموزه قدر قورولان ۴ آذربايجان دؤولت لرینین یعنی‌ ايکي دؤولتي قوزئيده ايکي دؤولتي گونويده قورولوب هئچ بيردؤولت گونئي ميلتي-قوزئي ميلتي سؤزونو ايشلتمييب . هاميسي دؤولتلريميزده وطن و دؤولتچيليک آنلاييشلاريندا, سادئجه “آذربايجان” دؤولتي و اؤلکه‌سي و واحيد بير ميللي کيمليک يعني “آذربايجان ميلتي” يا “آذربايجان تورک ميلتي” وار.

۱۹۱۸ آزربایجان خلق جمهوریتی – ۱۹۲۰ آزربایجان ازدیستان دولتی – ۱۹۴۵ آزربایجان میلی‌ حکومتی – ۱۹۹۱ آزربایجان جمهوریتی

گونوموزون ميللي فعاللاريميز اؤزلري تاريخه نظر سالاراق دوشونمه‌ليديرلر کي نييه ۱۰۰ ايل ايچينده دؤولتلر قوران ميللي فعالاريميز و اؤندرلريميز, ندن گونئي ميلتي-قوزئي ميلتي سؤزونو دؤولت و يا اؤلکه و يا ميللي آنلاييشدا هئچ زامان ايشلتميبلر؟سادجه سياسي اولاراق جغرافييانين پارچالانميش اولماسينا ايشاره اولونسون دييه,توپراقلاريميزين ايشغال آلتيندا اولونماسيني ايفشا ائتسينلر دييه ” آذربايجانين گونئيي “-” آذربايجانين قوزئيي” سؤزونو ايشله‌ديبلر ! ؟
گلين تاريخ صفحه لرينه گؤز آتاق گؤرک ائلچيبي – پيشه وري – خيياباني – رسولزاده و بونلارين سيلاهداشلاري سهو ائديرديلرمي؟ بيزجه يوخ سيزجه؟

 

 حرکتده بعضي تشکيلاتلار دوغرو احتيمال  اولاراق, دوشونلر کي, آذربايجانين گونئيي گلجکده دؤولت قورارسا ,اؤز ايستيقلاليتيني دونيا آرئناسيندا تانيدماق اوچون آذربايجانين گونئيينده ياشايان آذربايجان تورکلرينيه بير دؤولتچيليک سيمگه‌سي لازيم اولاجاق.بعضيلريده اينانيلار کي تک دؤولتچيليک دئييل, ميللي حرکاتي دا ، گرک بير سيمگه تمثيل ائتسين! بعضيلريسه آياغي داها ايره‌لي قويور و يئني بير ميلت و ميللي کيمليک و ميللي تاريخ و ميللي بايراق يارتماق ايسته‌يير .


بونلار سياسي اؤن گؤرو و پيشبيني اولا بيلر آما گلين گؤرک بئله سورون گونئيين ايستيقلالييتدن سونرا يا اؤنجه ياراناجاقمی يا ميللي حرکاتينين بئله سورونو وارمي؟ بوگون گونئي ده کي آذربايجان ميللي حرکاتيين دونيادا تمثيل اولونماماسينين سورونو  سيمگه‌سينين اولماماسي مي؟و يا آذربايجانين گونئيني ازاد اولونماسينين تک شرطي, يئني بير ميللي کيمليک يارتماقدانمي کئچير؟

 

سورو: میلی‌ حرکته سیمگه لازیمیدیر ؟
بيرمیلی‌ قورتولوش حرکتي، اؤزلليکله ده اولوسلاراراسي آرئنادا (جامعه بین الملل )اؤزونو سادجه سيمبوللارلا تمثيل ائده بيلمز.حتّي گونوموزون دونياسيندا سيمبولسوز چوخلو ميللي حرکات يا ايدولوژيکي حرکات مؤوجودور که يا بير رنگ ايله,يا خريته ايله یا لوقو ايله تمثيل اولونورلار.

جامعه بین المللده هر هانسي بير حرکت, ايدئولوژي آلٔتٔ ياپيسينين مؤحکم اولماسی،،میلی ايدئالارينين و هدفلرينين شفاف و آیدین اولماسی، پوتانسيئلينين گئنيشليغي، پروسئسلره تاثير ايمکانلارينين بؤيوکلوغو، رهبريتينين گوجلولوغو، سياسي کادرلارينين يوکسک سوييه‌سي ، داها اؤنمليسي ميللي ايراده سي اولماسي و ائلجه ده سيمبوللاري ايله بيرليکده تمثيل اولوندوقدا داها اعتيبارلي وگوجلو, گؤزه گله‌جک و موزاکيره‌يه ديه‌جک گؤرونر. دئمک کي، حل ائديلمه‌سي گرکن سيمبولدان داها اؤنجه‌ليکلي پروبلئملرميز واردير.
آذربايجان ميلي حرکاتينين داوامي و ايره‌ليله‌مه‌سي اوچون ، سيمگه‌دن واجيب, حتّي چؤرک سودان واجيب, آذربايجان ميلي حرکاتينين ميلي ايدئولوژيسي ايله، استراتئژي هدفلري ايله، تاکتيکلر مجموعئسي ايله، داخيلده‌کي و خاريجده‌کي پوتانسيئلي ايله، ايجتيماعي و سياسي تشکيلاتلاري ايله,بوتؤو بير سيستئم حالينا گتيرمک،آذربايجان ميلي حرکاتينين بوتؤن لایه لریندن بير‌بيري ايله آهنگدار وحدتيني ساغلاماق, گونوموزون اؤنملي ضرورتيدير.

سورو: آزبايجانين گونئيينين ايستيقلالي و دؤولتچيليگي اوچون, سياسي بير دؤولت بايراغي و سيمگه لازيميدير؟

 

آذربايجان ميللي آزادليق حرکاتي نئجه کي شعارلاريندان و مئيداني دؤيوشلريندن گؤرونور, آذربايجانين گونئينين ميللي ايستيقلاليتيني, و آرديندان ایکی آزربایجاننین سياسي آيريليغي آرادان قالديرماقلا, بيرلشميش بوتؤو آذربايجان ياراتماق – بير ميلتين بير دؤولتيني قورماق ايسته‌يير.اوتاي بو تاي بير اولسون مرکزي تبريز اولسون- تبريز باکي آنکارا بيز هارا فارسلار هارا و…بو کيمي محوري و آنا شوعارلار ميللي حرکاتيميزين ماهيتيني وکيمي استراتژيسيني چيلپاق اورتايا قويور.

بونون اوچونده, بوگون کی‌ سیاست دونیامیزداکي شرطلرینه گؤره ایلک اولارق آزربایجانین گونئیی ایرانین ایشغالیندن آزاداولاماسي لازيمدير و آزربایجان تورکلری  آزربایجان نین گونئیینده اوز تاریخی جغرافیاسینین سرحدلري و مرزلري داخيلينده اؤز ميللي موستقیلیینی اعلان اتملیدیرلر. حرکتده بعضي تشکيلاتلار دوغرو احتيمال  اولاراق, دوشونلر کي, آذربايجانين گونئيي گلجکده دؤولت قورارسا ,اؤز ايستيقلاليتيني دونيا آرئناسيندا تانيدماق اوچون آذربايجانين گونئيينده ياشايان آذربايجان تورکلرينيه بير دؤولتچيليک سيمگه‌سي لازيم اولاجاق.

تشکيلاتلاريميزين آزربایجانین گونئینه اؤنردييي بوتون بايراقلارا سايقي دوياراق اونلارين سيمگه‌لري يانليز تشکيلات سيمگه‌سي اولارق سونولدوغلاري سورجده,واونلارين سيمگه‌لري ميلتيميزه تحميلي سوزلئر ايله مثلا“”گونئي آذربايجان سيمگه‌سي “گونئي آذربايجان ميلي بايراغي / گونئي آذربايجان حرکاتينين بايراغي يا سيمگه‌سي” کيمي آدلانديرماديقلاري سورجده, بوتون آذربايجان تورکلري اولاراق اونا حؤرمت اديب و دوشمنه قارشي هر آذربايجانلي کيمي او تشکيلاتين بوتون وارليغيني او جمله‌دن تشکيلات سيمگه‌لريني مودافيعه ائتمه‌لييک.

سيمگه اولاراق تمثيل ائتديکلري پارتي و يا تشکيلاتلارين بايراقلاري “ميللي بايراق”” یا “گونئی آزربایجانین… ” اولاراق آلقيلانماماليدير “ميللي “آددا تبليغ ايسه هئچ ائديلممه‌ليدير. عکسي تقديرده “آذربايجانين بوتؤو ميلتي” آنلاييشيندان اوزاقلاشميش اولاجاغيق.

قئيد ائتديگيميز کيمي، ميلي بايراق ميلتين ميلي تفکور سيستئميني و ميللي ايراده‌سيني و ميللي کيلمليکيني عکس ائتديرر. آذربايجان تورکلرينين ميلي ايدئولوژيسينيين سيمگه‌سي اولان موساواتلي اوچرنگلي، پارلايان آي-اولدوزلو ميللي بايراغيميزدان فرقلي بير “گونئي آذربايجان ميلي بايراغي”,يا “گونئي آذربايجان ميلي سيمگه‌سي “يا “گونئي آذربايجان حرکاتينين ميللي بايراغي يا بايراغي”يا “گونئي آذربايجانين.. ” آدينا اورتايا چيخاريليرسا، آيري بير فيکير سيستئميني، آيري بيرميلي ايدئولوژينيني,نتيجه‌ده آيري بير ميلتي ,تمثیل ائدير دئمکدير.

سورو: ميللي بايراغيميز ، هم ده آذربايجان جومهوریتی ينين دؤلت بايراغي اولماسي اولوسلاراراسي پلاتفورمادا(جامعه بین الملل) هر هانسي بير سورون قايناغيمي ؟ميللي حرکاتتا سياسي سيمگه يا گله‌جک دؤولتچيليييه مووققت سياسي بايراق نئجه يارانار؟
بايراق ياردانلار ايددعا ائديرلر کي آذربايجانين ميللي بايراغي کيمي دونيادا تانينان ، و حال حاضيردا عئيني زاماندا آذربايجان جومهوريتينين دؤولت بايراغي اولان بايراغيميز سياسي آرئنادا بيز”گونئي آذربايجاني” تمثيل ائده‌مز!

ميللي بايراغيميزين، هم ده آذربايجان جومهوریتی ينين دؤلت بايراغي اولماسي اولوسلاراراسي پلاتفورمادا(جامعه بین الملل) هر هانسي بير سورون قايناغي دئييلدير.
عدالت و حوقوقنون اوستونلوغو هر زامان اؤن پلاندا توتان دؤولتلرين سينيرلاري ايچريسينده گونئيدن اولان سويداشلاريميزين اوچرنگلي، پارلايان آي-اولدوزلو ميلي بايراغيميز ائشليگينده کئچيرديگي سايسيز آکسييالارين هئچ بيرينده هئچ کيمسه اونلارا “بو بير حوقوق پوزونتوسودور” دئيه موراجيعت ائتمه‌ميشدير.سون ۱۰ ايل ايچريسينده گونئيلي ميللي فعاللارين تشببوس ايله ۱۰۰ لر تظاهرات تورکييه‌ده ،امئريکادا،کانادادا،آوروپانين موختليف اؤلکه‌لرينده کئچيريليب ۱۰۰ لر سياسي و حوقوقي موزاکيره‌لره سياسي دانيشقلار و گؤروشلر و کونفرانسلارکچيريليبدير و هاميسي آذربايجان ميللي بايراغي ايله, و آذربايجانين گونئيي و ميللي حرکاتي موضوعسوندا باش توتوب.
هئچ کيمسه” ائي گونئيدن گلنلر نييه عئيني زاماندا آذربايجانين دؤولت بايراغي ايله ايشتراک ائديرسيز دئمييبلر” ! عکسينه آذربايجانين قوزئيينده اولان دؤولتچيليگيميز بيزيم ميللي ديرلريميزي و وارليغيميزي دونيايا تانيدماغدا ،کيم اولدوغوموزو و ميللي کيمليگيميزي باشقا ميلتلر و دؤولتلره راحات ايفا ائتمييمزده چوخ کؤمک اولوب .

سون ۲۰ ايلده ، يعني قوزئيده دؤولتيميز قورولدوقدان سونرا و گونئيده ميللي حرکاتيميز گوجلنديگي بو سون ايللرده, هئچ بير زامان دونيا سيياستينده و ميلتلر آراسي حوقوقدا ، آذربايجان ميللي بايراغيين قالديرماق سورون اولماماديغي کيمي, گونئي آدينا بايراقسيزليق،سيمگه‌سيزليک يا ميللي بايراق سورونو دييه بير سورون چيخاريلماييب!

هئچ بير دؤولت هئچ بير اينسان حاقلاري قوروم , هئچ بير ميلتلر آراسي تشکيلات, گونئي آذربايجان ميللي فعالاردان سورماييب يا دئمييب سيزين ميللي بايراغينيز هاني؟

يا نييه گونئيه ميللي بايراق، ميللي سيمگه،حرکات سيمگه‌سي ياراتمييبسيز؟

يوخاريدادا قئيد ائتديک کي ميللي حرکاتلره دونيا سيياست عالمينده و بئينالخالق حقوقدا ميللي بايراق گرکمز. بوتون دونيا اؤلکه‌لرينده و سازمان مئلل ده آذربايجان تورکونون ميللي نيشاني حاضيرداکي آذربايجان بايراغي ايله تانيلير و هئچ بير سيياستچي و يا دؤولت, آذربايجان تورکونون ميلييتيني قوزئي گونئي دييه بؤلمز بؤله‌مز..بوگون دونيادا هر آذربايجان تورکو سياسي جغرافيياسيندان آسيلي اولماياراق آذربايجان بايارغيله تانيلير.

بعضي تشکيلاتلاردا دوشونلر کي آذربايجانين گونئيي دؤولت قورارسا ,اؤز ايستيقلاليتيني دونيا آرئناسيندا تانيدماق اوچون آذربايجانين گونئيينده ياشايان آذربايجان تورکلرينيه بير دؤولتچيليک سيمگه‌سي لازيمدير. بلکي گله‌جکده آذربايجانين گونئيينده بير دؤولت قورولارسا و بو دئولت قوزئيده‌کي دؤولتيميزله بيرلشمه پروسئسي اوزون چکمه‌سي احتيمالينا قارشي آذربايجانين گونئيينده يارانان دؤولته بير سياسي بايراق و سيمگه گرکه بيلر.بو باخيش  و احتمال دوغرو اولسادا , يانليش زاماندا سسله‌نير و سو ايستيفاده ائدنلره ايمکان يارادير کي موضوعنو يانليش يئرلره چکيب ميللي آزادليق حرکاتيندا قارقاشا و ايختيلاف سالسينلار .

آنجاق بئله بير بايراق گره‌کيرسه‌ده اونون زاماني و سئچيلمه طرزي و قايداسي واردير.  

داها آچيق گؤزله گؤرونر بير اؤرنک وئرک. فينلاندييا کيمي بير حوقوق دولتي سينيرلاري ايچريسينده ياشايان ايسوئچ کؤکنليلر (توپلام اهالينين ۱۰%-يني تشکيل ائدير.) مخصوص گونلرده ايسوئچ دؤولت بايراغيني قالديرارلار. هله بو گونه قدر کيمسه اونلاري اولوسلاراراسي حوقوقو پوزماقدا ايتتيهام ائده‌رک بو حاقلاريندان ايمتيناع ائتمه‌يه دعوت ائتمه‌ميشدير.

ماکئدونيا اؤز موستقيليگيني الده ائتديکدن سونرا ميلي بايراغيني دؤولت بايراغي اولاراق قبول ائتدي. اؤلکه سينيرلاري ايچريسينده ياشايان ماکئدون وطنداشلارينين بو بايراقدان تاثيرلنه‌جگيني دوشونن يونانيستان بو موضوعودان دويدوغو راحاتسيزليغي, اولوسلاراراسي آرئنايا داشيدي.
بونون نتيجه‌سينده بايراغيني دييشديرمزسه، موستقيليگينين تانينماياجاغي تهديدلرينه قدر واران باسقيلارا باخماياراق، موستقيليگينين تانينماماسي باهاسينا اولسا بئله، ماکئدونيا اؤز بايراغيني دييشديرمه‌دي.
چونکي بايراق آسان ياراديلمير.بآتالاريميز بوشونا دئمه‌ييب ايراقلاري بايراق ياپان اوستونده‌کي قاندير . چونکي بايراق سانيلديغي قدر اوجوز دئييلدير. هر کس الينه بير نئچه رنگلي قلم آليب بو ميلته, ميللي بايراق یا سمبل ياراتماغا چاليشيرسا، بايراق قاوراميميز سودان بئله اوجوزا دوشمزمي؟

گلين داها آچيق بير اؤرنک وئرک کي هاميميزين گؤزو اؤنونده‌ و ميللي حرکاتي  چوخ ياخيندان تانديغي بير مسله‌دير.
کؤچري کوردلر تاريخ بؤيو دؤولتچيليک گنه‌ليکلرينه صاحيب اولماديغلارينا,آيري-آيري جغرافييالاردا، آيري-آيري سياسي حاکيميتلر آلتيندا ياشامالارينا، ديلرينين بير‌بيريني آنلاماياجاق درجه‌ده فرقلي اولمالارينا باخماياراق، هر واسيطه‌دن,او جومله‌دن بايراقدان ايستيفاده ائده‌رک اؤزلريني واحيد بير ميلت کيمي دونيايا تقديم ائتميشلر.
تورکيه ده ۱۹۲۰-جي ايلده کؤچري کوردلر ايچريسيندن چيخديغي ايديعا ائديلن بايراغي ۱۹۴۵-۱۹۴۶-دا ايران کوردلرينين آزربایجان میلی‌ حکومتی نین داخلینده فدرالیسم بیر رژیمده قوردوغو “ماهاباد جمهوری ی‌دؤولتي” رسمي دؤولت بايراغي اولاراق قبول ائتدي.
همين بايراق بو گون ايراقين قوزئينده ياراديلان موختار کورد دؤولتينين بايراغي اولماقلا بيرليکده، هم ده بوتون کوردلرين ميللي بايراغي اولاراق تقديم ائديلمکده‌دير و مختليف ۴ جوغرافييادا آپارديغلاري سؤزده کورد ميللي حرکت يا بيزيم ديلله دئسک!کورد تورپاق ايشغالچيليغي و تورک توپراقلاريندان اؤزلرينه اؤلکه ياراتماقلا مشغول اولسالاردا, آما بير بايراق آلتيندا حرکت ائديب و هم سورييه،هم ايران هم تورکييه‌ده اولان کؤچري و شووينيست کوردلر هاميسي ايستيقلال و دؤولتچييک ايستير و دونيا آرئناسيندادا بيزيم ميللي حرکاتدان قات قات چوخ تانيليب و آکتيو فعاليت ائديرلر.
کؤچري کوردلرده وضعيت بئله ايکن، بيزيم سيرالاريميزدا بعضيلرينين بوتون واسيطه‌لردن ايستيفاده ائده‌رک، آذربايجانين گونئيي ايله قوزئيي آراسيندا صونعي فرقليليکلر ياراتما جهدلري نه آنلاما گلير؟
بو ذهنيت کيمه خيدمت ائدير؟

 

 

نييه بعضيلري ميلتيميزه يالان بيلگي وئرير! کي گويا دونيا بيزدن گونئيه ميللي بايراق ايسته‌يير؟ و يا ميللي حرکتین اختلاف قايناقي اولان مسله لري زامانسيز ميللي حرکت گوندمینه پومپالير ؟بيزجه آذربايجانين گونئيينده هئچ زامان بايراق يا سيمگه گرکمز! دونيادا بئله بير شئي بيزدن گؤزلمير!    

اگرده گونئي آذربايجان بئله بير سورون ايله  اوزلشيرسه, يعني دونيا سيياستي و دونيا حوقوقو بيزدن دؤولتچيليک سيمگه‌سي يا حرکات سيمگه‌سي ايسترلرسه! اوزمان اونون سئچيلمه طرزي ،زماني و ايديياسي چوخ ديقته آليناجاق بير مسله‌دير.
سيمبوللار ميلي ايدئالاري، آمالاري عکس ائتديرديگينده، ميللي وارليغيميزلا بوتونلشديگينده,داها اؤنمليسي ميللي ايراده سي گؤروندوکده ميللي اولار. ميللي ايدئولوژيني تمثيل ائدن بايراغين چيزگيلريني و رنگيلريني اَييب‌بوزمکله، اونو قارالاماقلا, ملي سيمبول ياراديلماز.هله هله توپلومون راي و سئسي اولامادان, ميللي ايراده آرخاسيندا اولمادان،ميلتين عوضينه من تعيين ائتديم سيزده قبول ائدين دئمکله بايراق هئچ ياراديلماز.
بير ميلتين بايراغينين اوستونده اولان هر بویا نومره‌سي و آياري, اندازه‌سي ، سيمگه‌سينين نه اولماسي و هاردا اوتورولماسي نه بويدا اولماسي و هانسي بويايا بورونمه‌سي و سايره کيمي آيرينتيلار … هاميسي بير ميلتين تاريخيندن و میلی‌ تراژدی و قهرمانلیقلاریندان و داها مهمی‌ میلی‌ اراده سیندن ايلهام آلينميشدير .
سیاست بین المللده و دولت آراسی تانیتیمدا ، سيمبوللارين ايللا دا بايراق اولماسي گرکمز، آنجاق ميلي حرکاتا ايلا دا بايراق فورماسيندا بير سيمبول گرکلي ايسئه، بو سيموول‌ بايراغين طرحيني هانسيسا بير طراحين فانتازييالاريندان دئييل،هانسيسا دؤنوک شخصيتين يا اعتيبارسيز بير مئديانين من تعيين ائديم سيزده قبول ائتمه‌ليسيز طرزينده دئييل!  قهرمانليقلارلا دولو تاريخيميزدن گؤتورمک داها منطيقلي اولمازمي؟گرچکدن ميللي اولان سيمگه‌لريميزدن سئچمه‌ميز داها عاغيلي اولمازمي؟

مثلا۱۹۴۵ (۱۳۲۴)آزربایجان میلی‌ حوکومتین ستارخان ناقشلی آل بایراقی ،( ۱۹۱۸ )آزربایجان دولتینیمیزین ایکی فرما بایراقلاریندان بیری, اولو بابکين آل بايراغي,…

بو بايراقلار بيزيم آتا باباميز و انا باجيميزين ميللي ايراده‌لري و حتّي قانلاري باهاسينا سئچيليب و گونوموزده هئچ بير آذربايجان سئور و تورک سئور بو ميللي ديرلره يوخ دئمز! ايللادا يئني بير شئيمي يارداجاييق ! آذربايجان ميللي حرکاتينين رنگي قيرميز آل بايراق اوستونده آذربايجان تاريخي اراضيسي و خريته‌سيداها سياسي و ذکيجه بير سئچيم و وتن آنلاييشي هاميميزيمدا قبول ائده‌جگي بير دير دئييلمي

 آذربايجانين تاريخي اراضيسينين خريته‌سيني سيمبول اولاراق سونماق هرکسين ميلليسي اولمازمي ؟ حرکاتيميزين مفکوره‌سيني و   اراضيميزي و سرحدلريميزي دونيايا  يانسيتمازمي؟ مثل اوچون  قيرميز آل  , آذربايجان ميللي حرکاتينين رنگي اوستونده آذربايجان تاريخي اراضيسي و خريته‌سي داها سياسي و ذکيجه بير سئچيم اولمازمي ؟ اراضيميز  و  وطن آنلاييشي هاميميزيمدا قبول ائده‌جگي بير دير دئييلمي ؟

گلين تاريخه گؤز آتاق, گؤرک دونيا ميلتلري, اؤز دؤولتلري قورولوشوندا و ميللي حرکاتلاريندا بئله ائلمييبمي؟

بوتون ميلي فعالار بيلمه‌ليدرلر کي اگردونيا دؤولتلري گونئي آذربايجان دؤولتيني تانيماق حدينه گليب چاتسالار ،دئمک آذربايجاندا مووقتده اولسا, بير مجليس و بير حاکمييت يارانيب، اوزمان آذربايجان تورک ميلتي, گرچک آنلامدا ميللي ايراده‌يه داياناراق اؤز دئموکراتيک ملي مجليسينده اؤنريلن بايراقلار آراسيندا ايسته‌ديي قراري وئره بيلر .

اگرگونئي دؤولتينه کچیجی بايراغ يارانماسينا نیاز اولسا, ميلت ميللي مجليسده کي نيماينده لري ايله, و يا بير باشا رئفراندوم ايله کئچيجي دؤولت بايراغي سئچر. قبول اولونان بايراقدا میلی‌ بایراق دئیل سیاسی پرچمدی کی‌ دولتی کچیجی اولاراق تمثیل ادجک

دئموکراتيک قايدالارا داياناراق چوخونلوقون اؤنرديگي بايراق بوتوولويه قدر دؤولت بايراغي اولماسي دوغرو دئيلمي؟

 

This slideshow requires JavaScript.

بيزه “آذربايجانين گونئيي موستقيل اولاندان سونرا سادجه مووقت و کئچيجي بير بايراق لازيمدير”ديين بعضي سويداشلاريميز و تشکيلاتلاريميزدا بيلرکدن يا بيلمييه‌رکدن باشقا خطايا دوشولر. اونلاردا بايراقيميزين آي اولدوزون قاراليياراق هم ايدئولوژيکي هم اخلاقي و هم تاريخي بير يانليشا دوشولر آنجاق بونلارين بير دستسينين گرچکدن ياخشي نيتي اولا بيلر .
چوخ ياخين کئچميشده بير قروپ,چوخ ياخين تاريخيميزي تحريف ائده‌رک، ميللي اؤندريميز ائلچيبگين آديندان ايستيفاده ائده‌رک, آزربایجانین گونئی اوچون بایراق چيخارير و حتّي بعضي تشکيلاتلار اوبيري قروپ کيمي وضعيتدن سو ايستيفاده ائده‌رک بونو”ميللي سيمگه” يا “گونئي آذربايجان سيمگه‌سي” دييه تبليغ ائديرلر. نه دئييرلر؟

 

دئييرلر کي، ” ائلچيبي بوتؤو آذربايجان بيرليگي طرفيندن چاپ اولونان “مختصر آذربايجان تاريخي” کيتابيندا يئر آلان طرحي گؤردويونه گؤره و باب کيتابخاناسي سئريياسيندان وئريلديگينه گؤهر، دئمک کي، اونو قبول ائتميشدير”.
بير قروپ ايسه داها دا ايره‌لي گئده‌رک ايديعا ائدير کي، ائلچيبي کيتابدا اولان بو طرحي آذربايجانين گونئيي اوچون بعضيلرينجه “گونئي آذربايجان ميللي حرکاتينين سيموولو، بعضيلرينجه ايسئه “گونئي آذربايجان ميللي بايراغي” اولاراق تکليف ائتميشدير. داها اؤنجه‌کي”ميللي بايراق “تشببوسکارلارينين ياراتديغي اولومسوز اورتامي و قارقاشاني,عئيني يانليشي عئيني مئتودلا دوزلتمه‌يه چاليشماق، يانليشي اورتادان قالديرماز، حتّي آذربايجان ميللي حرکاتيندا يانليشلار زينجيرينين اولوشماسينا زمين يارادار.

اوزلیکلده بو حساس دونمده و شرایطده کی‌ آزربایجان میلی‌ حرکاتینیدا رژیمین اطلاعات قوه لری ، تفرقه یاردانلار و ایران چی‌ قولر جیلید آتیر,

معلوم طرحده آي-اولدوزون ندن قارا رنگده اولدوغونو سوردوغوندا ايسئه، دئييلر کي “بو گون گونئي اسارتده‌دير. گونئي ايستيقلاليني قازانديغيندا آي-اولدوزو آغاراجاغ”

داها تضادلي يئري بوردادير : اگر ايديعا ائديرلر کي بيز گونئي آذربايجان ايستيقلالي اوچون و يارانان يئني گونئي دؤولتيني دونيا آرئناسيندا تانيتماق اوچون, و آذربايجان دؤولت بايراغي ايله ترس دوشمه‌مه سي اوچون!قوزئي -گونئي ايکي دؤولتيميزين بوتؤولشمه‌لرينه قدر گونئي دؤولتينين بايراغينين يارانماسينا نیاز وار ! اوزامان بؤيوک سوال يارانير:

 

 

 

“گونئي ايستيقلاليني قازانديغيندا و آي-اولدوز آغارارسا ” گینه آذربايجانين گونئيي و آذربايجانين قوزئي ، دؤولترینين بایراقلاری عینی اولاجاق و بوتؤولشمه‌يه قدر ، گینه گونئي -قوزئي دؤولتلري ادعا ائتديگيني عيني سيمئگه سورونو ياشياجاق. پس بو بايراق يا سيمگه هانسي سورون حل ائله‌دي؟

 

بيز اؤز ايچيميزده “گونئي آذربايجان” و يا “قوزئي آذربايجان” دئديگيميزده تفککوروموزده آذربايجانين پارچالانميشليغيني قبول ائتميش، روس و فارس شووينيزمينين ايراده‌سينه بويون اَيميش کيمي گؤرونوروک” دئيه بيزلري بو سؤزلرين يئرينه “آذربايجانين گونئي” ،”آذربايجانين قوزئيي” کيمي ايفاده‌لري ايشلتمه‌يه چاغيران ائلچيبي, آذربايجانين گونئي اوچون ميللي بايراغيميزدان فرقلي بير “ميللي بايراق” تکليف ائدرمي؟

آيري-آيري ميلتلرين آيري-آيري ميلي بايراقلاري اولا بيله‌جگيني، عئيني ميلتين ايسه سادجه بير ميللي بايراغي اولا بيله‌جگيني بيزلره اؤيرتديغي حالدا، آذربايجانين گونئيينه آيريجا بير ميلي بايراق تکليف ائتمه‌سي ائلچيبئين اؤزو‌-اؤزونو اينکار ائتمه‌سي آنلامينا گلمزمي؟
ائلچيبين اؤزو اؤزونو اينکار ائدن بير ليدئر اولدوغونا اينانيرسينيزمي؟
ائلچيبي آراشديريب اؤيرننلر بيليرلر کي، ائلچی بئين بايراق موضوعسو ايله باغلي تفسيره احتيياجي اولمايان واضح فيکيرلري واردير.

سون سؤز: 

يا بوگون حرکاتدا تئکرار ميللي بايراق آدي آلتيندا قارقاشا سالانلار و بايراقيميزين رنگلرين اَييب بوزنلر ، يئني ميلت ياردابيب آذربايجاني تئکرار بؤلنلر ، اوتانمادان ۳۰ ميليونا تکليف تعيين ائدنلر ، دوننه کيمي ۱۰۰ لر ديگر بايراقلار ي تبليغ ائديب و يا همين بايراقلار کي بوگون اونلاري تبليغ ائديب دونن اونلارا قارشي اولمازين اخلاقسيز ايفاده‌لر ايشله‌دنلر ين ماهيتينه و عملرينه ديقتله باخماليييق!

بو شرایط ده بله بیر باشاریلی اولماین و باغلانمیش بیر بحثی‌ تکرار” گونی آزربایجان سیمگسی” کیمی‌ تانیتماق نقدر دغرودور؟

گؤرک بئله قارقاشا يارادانلارين اصلا ميللي مسله‌ده سؤز دئمه‌يه اخلاقي و ميللي باخيمدان صلاحيتلري وار ؟

بوگون ميللي حرکاتين ايچينده قوندارما ليدئر لر،فانتئزي باياراقلار، پارچالاييجي ايدولوژيلر ،يارتماق ايستيينلر ،حرکاتدا صونعي گوندملر و قارقاشالار يارتماق ايستيينلر ، آزربایجان میلی‌ حرکاتینی ايراندا رئفورم حرکاتينا سوروکله‌مک ايسته‌ينلر ,بيلمه‌ليدير کي هر نه ائتسه‌لر اونلارين عمليده سؤزوده گونی‌‌ آزربایجان داخیلینده اؤزه‌ليکله‌ده میلی‌ حرکتا تاثيرسيز و اتکیسیزدیر .
سوينديريجيدير! آذربايجانين گونئيينده، يئتيشن يئني نسيل و جاوانلاريميز ميللي حرکاتين هم موتورو و هم چوخ هوشيار بئينيدير و بوگون گئنجلريميز آذربايجانين گونئيينده اؤز ميللي کيمليکيني،وطن حدودلاريني،سياسي هدف وا تاکتيکلئريني و ائلجه‌ده ميلي بايراغيني چوخ ياخشي تانير! پارچالييجي اويونلارا گلمير !

ايللردير کي بوتون دونيا و باشدا آذربايجان دوشمانلاري تانيک و شاهيدير کي آذربايجانين گونئيينده بوتون ميللي مراسيملرده ،اکسييالاردا ، فوتبال و والیبال استادیوملاريندا،بابک قالاسيندا ..آذربايجان ميللي بايراغي آذربايجان گئنجلري طرفيندن قالديريلير و بوزقورد ايله بيرگه ميللي حرکاتين اساس سيمگه لرينه چئويريليب.
و بودا گئت گئده کوتلويلشيب،ائولرده،ماشينلاردا،گئييملرده …. آذربايجان بايراغي, گنجلريميزين مودا ترجيهينده‌دير
سيزجه سون زامانلار بللي قوووه‌لر طرفيندن اورتا آتيلميش بايراق بحثي گونئيده کوتلوي اولان بو سياسي اويانيشا قارشي دئييلمي؟
بورداکي سورولارين جوابيني اطرافلي اولاراق هر بير آذربايجانچي و ميللي فعال دوشونمه‌ليدير

گلين ميلتيميزين قان باهاسينا،جان باهاسينا الده ائتديگي ديرلري بيرليکده قوروياق. بو ميلتين آييني، اولدوزونو قارالتماياق،آي اولدوزون بوزميگ,رنگلريني اَيمييق, ايشيق‌ايدئيا قايناقلاريني قوروتماغا چاليشمياياق.پارچالانميش ميلتيميزي و وطنيميزي بير داها بؤلمه‌يک ! عکسينه بيرلشديرک

 

 

This slideshow requires JavaScript.


-ائلچي دوشونجه‌لري، ائلچيبي
-بوتؤو آذربايجان يولوندا -ائلچي
ائلچی بئی چیخیشلاری
ايستات:بحثی‌ گدن جمعده ان یتکیلی و صلاحیتلی اولأن شخص ،الچی بئیین گونئی آزربایجان  اوُزره بیرنجی‌ معاونی چینگیز گوک تورک مقاله لریندن

 اوغوزتی‌وی 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture