/  
بیریمجی صحیفه » مقاله لر و باخیشلار » “نوروز” تاخما آدي آلتيندا اؤز ميللي عنعنه ميز اوغوز يئني گون بايراميني ،اؤز اليميز`ايله فارسا و کورده يئم ائديريک  

“نوروز” تاخما آدي آلتيندا اؤز ميللي عنعنه ميز اوغوز يئني گون بايراميني ،اؤز اليميز`ايله فارسا و کورده يئم ائديريک  

اوغوزتی وی: گونئي آزربايجان ديشيندا (کي مجبور فارسجاني اؤيره‌نيبلر) توران بؤلگه‌سينده چوخلاريميز نوروز سؤزونون نه آنلاما گلديگيني بئله بيلميريک.تاريخده قاليب و حاکيم ميلتلرين گؤرنک و گئلنکلري هؤکوم سوردويو يئرلرده حاکيم اولدوغو خالقلارا داشينديغي بير دانيلماز گرچکدير.
تورک بايرامي اوغوزبايرامي ياارگنه گون ياباهار يايئني گون يا نوروز بايرامي تورکلرين تاريخ بويو حاکيم اولدوقلاري يئرلرده رسمي بايرام کئچيريلمه‌سي ده ائله بو گرچکليغين باريز اؤرنگيدير.

تورک توپراقلاري دوغو تورکوستان، قازاغيستان، اؤزبکيستان، قيرقيزيستان، تورکمنيستان، آذربايجان و باشقا تورک اؤلکه‌لري ياناشي تورکلرين ايللر بويو اداره ائتديگي توپراقلاردا او جومله‌دن افغانيستان، پاکيستان، هندوستان و حتّي بعضي عرب بؤلگه‌لرينده‌ده قوتلانير.
بو بايرام ايلين دوغال باشلانيشي و يئر کوره‌سينين گونشين دوره‌سين بير تور آتماسي اولاراق هئچ بير ايدولوژيک و ديني سببدن آسيلي اولمادان دوغانين يئني گونو اولدوغو اوچون تورک اولوسو طرفيندن يوکسک دئيرلنديرليب و بايرام ائديلميشدير.
تاريخچيلرين نظرينه گؤره بو عادت نجوم علمينه صاحيب و مدنيتين بانيسي اولان سومر تورکلريندن بري, بايرام کيمي باخيليب،گونوموزه قدر ياشاماقدا اولان ان دوغرو دوغوش و يئني گون بايراميدير.
۱۳۹۵ ايل اؤنجه تورک سلجوق شاهي مليک شاه سلطان دؤنميندن بو بايرام آزربايجان و سلجوق امپراطورلوغ اراضيسينده (گونوموزون ايران آدلانان يئرده‌ده) رسمي ايل بايرامي ويا اوغوز بايرامي کيمي رسمي تقويمه چئوريلميشدير.
تاسفله فارسلار بو بايرامي ديگر بيزيم کولتورو وتاريخي گلنکلريميز و باشاریلاريميز کيمي يا اينکار اولونوب يا اؤزلرينه چيخيبلار آنجاق بونو ايثباتي هئچ ده چتين بير ايش دئيل  .

بيرميجي آتديمدا ماراقليدير کي اسيرلر اول تورکلر طرفيندن يئني گون آدلانان بايرام فارسجايا عئينن ترجمه اولموشدور. فارس ديلينده وادبي ياتيندا تورکجه‌نين ترسينه اولاراق صيفت آددان سونرا گه‌لر.يعني بو بايرام اگر فارس قايناقلي اولموش اولسايدي ويا تورکچه‌دن ترجمه اولماميش اولسايدي گئرک روز نو اولاردي. آنجاق سلجوق تورکلرينين آدلانديرديغي “اوغوز يئني گون بايرامينيني” اولدوغو کيمي ترجمه ائده‌رک يئنينين فارسجا نو و گونوده روزا چئوريليب.
ديگر طرفدن بو بايراملا دئييشن يئني ايل تقويمينده سايلان ايللرين باشلانقيجي و مبدا زاماني بوگون فارسلار طرفيندن ۱۳۹۵ گونش ايل کيمي بيلينيربو سلجوقي حؤکمداري زمانينا مليکشاه سلجوقون بؤلگه‌ده حاکيم اولدوغو بير باشلانقيج دوره سی دیر و داها ماراقليسي او دورده چوخ آز سایی دا اولان فارسلار سلجوقي اراضيسينده اولوب و بو بايرامي و عنعنه ني بير ميلت کيمي تانيتماغاهئچ بير سيستیم و دولته صاحيب اولمايبلار،هاردان قالسين کي بو بايرامي بوتون تورکلره تانيتماق اوچون فارسلارين گئنيش امپراتورلوقلاری و تورانا حاکيم اولاجاق مين ايللر دولتلري اولاماسي گره‌کيرکي اؤز عادت عنعنه سيني(بو بايراملاری ) ديگر ميلتلره کئچيره بيلسين.
(فارسلار سون ۸۰ ايل حاکميمیت لرينده ديکتاتورلوق یوللاریلا،ميلياردلار دولار مصرفلريله،مئديا و تکنولوژي گوجویله قادير اولا بيلمه‌يبلر کي ۷۵%غیری فارس ميلتلري اريديب  اسيميلاسيون ائتسينلر و اؤز عنعنه لريني اونلارا تحميل ائديب اونلارا کولتور باغيشلاسينلار)
مدنيت لر گلنک گؤرنکلر حوکومتلر طرفيندن حاکيم اولدوقلاري توپراقلارا داشيناراق او توپراقلاردا ياشايانلارين طرفيندن منيمسنيب و عادت عنعنه سينه چئوريلميشدير. آنجاق سون دؤنملرده توپراقلاريميزين بؤيوک بؤلومو روسلارين و بللي بؤلوموده فارسلارين ايشغاليندا اولدوغو اوچون ميللي وارليقلاريميزدا يا روس ايشغالي آلتيندا دانيليب و يا فارس ايشغالي آلتيندا موصاديره اولونموشدور.
بؤيوک تورکيه‌ميزده‌ده بللي بير دؤنمده بو بايراميميز اونودولدوغو اوچون بوغون مين ايللرده بويو آتا بابالاريميزدان اثر قالميش بايراميميزي دا فارسلارين و کوردلرين طرفيندن اؤزومسه‌نيب و مصاديره اولماقدادير .
داها اولده وورقولاديغيميز کيمي گئلنکلر ميللي دولت لر طرفيندن ياشاديلير و دولتلرين حاکيم اولدوقلاري يئرلرين گئلنگينه چئوريلير. تاريخ , هئچ بير زامان کورد لري ۲۰۰ اؤنجه‌سيله بو توپراقلاردا خاطيرلامير اونلاردان بير ايز گؤرمور و بوتون تاريخ بؤيو کورد دولتي يا حتّي کورد خاليقي بئله اولمايبدير.
فارسلار ايسه سون ۸۰ ايلده انگلیس و غرب يارديميلا دولت اولسالاردا يالان تاريخلر و تبلیغاتلار ائتسه‌لر ده،ميلتلرين وار يوخون محو و يا اؤزلرينه چيخسالاردا،هئچ بير زامان دوغو تورکوستان، قازاقيستان، قيرقيزيستان، اؤزبه‌کي ستان ،تورکمه‌نيستان و يا آزربايجانين بوتونلوگونه حاکيم اولمايبلار بلکه ترسينه فارسلار تا ۸۰ ايل اؤنجه‌سينه کيمي اوزون زامان تورکلرين حاکيميتي آلتيندا اولوبلار.
بئله اولدوغو حالدا اگر نوروز فارسلارين سوزلرینه گؤره فارس بايراميديرسا, ندن دوغو تورکوستاندان بالکانلارا  قدر قوتلانماقدادير؟
فارسلار يا کوردلر نه زامان هندوستان، افغانيستان، پاکيستان،يا  تورانا دوغو تورکوستان، قاززاق، قيرقيز، اؤزبک، تورکمن يا حتّي آزربايجانين بوتؤولوگونه حاکیمییت  سورموشلر کي بو گئنلک اونلاردان بيزه قالسين ؟؟اؤز خالقلارينا بير ميللي دولت قورماغا قادير اولمايان ديگر ميلتلره نئجه مدنييت داغيديب؟
سون ايللر ايرانليلار و اونلارين سويوندان اولان و اؤزلريني آريايي ايرقين ديگر قولو اولان کوردلر يونسکو`دا (بمت ) بو بايرامي اؤز آدلارينا کئچيرمه‌يه چاليشيلار اؤزه‌ليکله‌ده کوردلر کي تاريخ بويونجا بوگونه کيمين ۱ گئجه‌ليک اولسون بئله ۱ خانليک يا ياريم دولت ده قورماغا قادير اولمايبلار آما بو ۱۰۰۰ ليک عنعنه نی تورانا و دونايايا يايديکلاريني و بو بايرامي آريا ايرقليلار اولان فارس و يا کورد عنعنه سي اولاراق يونسکودانوروز آديلا قئيد ائتمه‌يه چاليشيلار ..کي بودا اونلارين دولتچيليغينه بير آتديم اولور.
بو بايرام و گئلنکلر اصلینده بيزيم بايراميميز اولدوغونو بيلسکده آما بيز بير اؤنملي مسئله‌دن غافيل اولوروق ،تورک بايرام و عنعنه ميزي کي فارسلار و کوردلر آليب منيبسيبلر و بيزيم قويدوغو آدي بئله ترجمه
ائديب قوللانيلار،يعنی تکرار اؤز کولتورلري کيمي بيزه قايتارماغا چاليشيلار و بيز`ده اؤزوموزه عايد بير گئلنگي (اوغوز ياز بايارميني )کوردچه يا فارسچا شيوه‌سيله ايشله‌ديريک (قوزئي آزربايجان کيمي )و يا اونون تاريخيني بيلمه‌دن اونو تورک بايرامي کيمي تانيدميريق(تورکيه کيمي) .بودا بيزيم چوک بؤيوک يانليشيميزدير.بيزيم دوستلوق و ياخشي نيتيميز و بو مسئله‌دن غفلتيميزه سبب اولور کي کوردلرين و ايرانليلارين تورکلره قارشي توپراق- کولتور- عنعنه ايديعالارينا بيز اؤز اليميز`يله اونا ايمضاسین آتيب قول چکيريک،واونلارا بيزيم توپراقلاردا و بيزيم وارليقلار ايله بيزم الیمیزیله دولتچيليک اويونلارينا گيرمئلئرينه شرايط ياراتميش اولوروق!
چونکو نوروز يا بونلارا تای بیر شئی لر سؤزلوغو تاماميله فارسجا و کوردجه‌دير و بودا اونلاري اولوسلار آراسي حاقلي چيخاردير.
اگر اؤز وارليقلاريميزا صاحيب چيخمازساق باشقالاري ساهابلاناجاقدير. بو گون ،بؤيوک تورکيه‌ميزده يئني گون يا نوروز بايرامي رسمي بايرام اولماديغي اوچوندور کي کورد و فارس بيزيم تاريخي بايراميميزي اؤز بايراملاري کيمي ایفا ائتمکده‌ديرلر.”نوروز” آدي و کلمه‌سي آلتيندااؤز عنعنه ميزي،اؤز اليمز`ايله فارسا- کورده يئم ائديريک !
بيز ميلتچيلر و ميللي فعاللار تورکيه دولتيميزه و قوزئي آزربايجان دولتيميزه و ائلجه‌ده ميلتچي کسيملره موراجيعت ائده‌رک ،سکي تاريخيميز کيمي تورک بايرامينين اؤزاديندا ساخلماميي طلب ائتمه‌لييک،اؤزه‌ليکله‌ده تورکيه دولتيندن يئني گون و يا نوروز بايرامينين تورکيه‌ده رسمي بايرام ائلان اولونماسيني طلب اولونماليدير.
اومود ائديريک کي ياخين زاماندا بو قوتسال بايراميميز اؤز دوغما توپراغيميز باغيمسيز گونئي آزربايجان`دا اؤز دولتيميز و اؤز بايراغيميز آلتيندا قئيد ائدک. آرزو ائديريک کي بيرليک و برابرليکله بو قوتسال بايرامي، باغيمسيز دوغو تورکوستاندا قئيد ائدک. ديلريک کي ان قيسسا زاماندا بو تاريخي بايرامي اؤز تاريخي توپراغيميز قاراباغدا شنليک ائدک.
آتاخان
Comments,Baxışınız
oguz gif telegram