/  
بیریمجی صحیفه » مقاله لر و باخیشلار » ژنرال غلام یحیی خاطره لری

ژنرال غلام یحیی خاطره لری

اوغوزتی وی:تشکيلات ووسعتلنديکج، تشکيلاتدا توپلانانلارين بيرليگي مؤحکملنديکجه ايرتيجا دا قودوزلاشير، داها دا تاثيرلي يوللار آختاريرديلار. بو مقصدله اونلار خئيريييه تکيلاتينين ييغينجاغيني کئچيرمک قرارينا گلديلر. هر حالدا بو ييغينجاغي مييانانين اؤزونده تشکيل ائتمه‌يه جسارت ائتمه‌ديلر. اودور کي، او زامان مييانادا فرماندار اولان انسارينين آتاسينين کؤمگي و ژاندارملارين ياخيندان ايشتيراکي ايله بو ايشي کندده کئچيرمک قرارينا گلديلر.
 
 

اونلار بو ييغينجاغي هيزبين شؤعبه تشکيلاتينين کلوبوندا کئچيرمک ايسته‌ديکلري اوچون هيزبين کندده‌کي تشکيلات رسولوندان کلوبون آچارلاريني ايسته‌ميشلر. هيزبين تشکيلات صدري ايمتيناع ائتديکده اونو برک دؤيوب، کلوبون قاپيسيني سينديراراق، تابلوسونو دا چيخاريب آتميشلار. بو هاقدا هيزبه خبر وئرديلر و من فووري بورونو ييغيب، مصلحتلشديک، بئله قرارا گلديک کي، من، آبباسعلی پنبئيي و صاديقي مميقولو همين کنده گئدک. بيز يولا دوشدوک. يولدا کندیليلر بيزه خبر وئرديلر کي، اگر بيز کنده گئتمک ايستسک، اونلار بئله قرارا گليبلر کي، هيزب طرفيندن کيملر گلسه اؤلدورسونلر. من يولداشلارا تکليف ائتديم کي، ايندي کي وضعيت بئله گرگين حال آليب، اونلار قاييديب گئتسينلر، من تک گئديم. دئديم کي، اگر من گئتمه‌سه م، اوندا اونلار دئيرلر کي، بيز قورخدوق و سونرا بوتون کندلرده تشکيلاتلاري بو حالا ساليب، باغلايارلار.
يولداشلار دئديلر، مادام کي، سن گئديرسن، بيز ده گئديريک. من نه قدر تکيد ائتديمسه، يولداشلار مندن آيريلماديلار. من يولداشلاري قانعئده بيلمه‌ديم کي، دوشمن طرفيندن بير نفرين اؤلدورولمه‌سي بير نئچه نفرين اؤلمه‌سيندن داها ياخشيدير. يولداشلار مندن آيريلماق ايستمه‌ديلر و بيزه خبر گتيرن يولداش دا بيزه قوشولدو.
بيز کند طرفه يولوموزو داوام ائتديک. کنده ياخينلاشاندا چوخلو آدام گؤردوک، تقريبن مسله آيدين ايدي. من صاديقييه و بيزه خبر گتيرن آداما دئديم کي، سيز کندين ياخينليغيندا اولان تپه‌نين اوستونه چيخين و اورادان بيزه نزارت ائدين، بيزيم باشيميزا نه حاديثه گلسه، سونرادان سيز گئديب، خبر وئررسيز.
اونلار راضي اولماديلار و بيزدن آيريلماق ايستمه‌ديلر. من ايشي بئله گؤردوکده، هيزبين مسئولو کيمي اونلارا امر ائتديم کي، منيم دئديگيم کيمي ائتسينلر. اونلار يئنه ده قولاق آسماق ايستمه‌ديکده من اونلارين هيزبي حوقوق و وضعيفه‌لريني بير ده اونلارين يادينا سالديم. بئله‌ليکله، اونلار ياريم اختيياري تپه‌يه طرف يوللانديلار و گئديب اورادا گيزلنديلر. بو زامان باشدا انساري اولماقلا بيزيم اوزريميزه ۲۰۰ نفردن چوخ آدام هوجوم ائتدي. بيزي او قدر ووردولار کي، آخير ترپنمه‌يه بئله حاليميز قالمادي. بو حالدا باشيمين قاني آخا‌آخا، مني بير نفر توتوب اوتورتدو، چون اؤزوم اوتورا بيلميرديم.
باشيمدان آخان قان گؤزومون بيريني توتدوغو اوچون من آنجاق بير گؤزومله گؤروردوم. بو زامان انساري منه طرف اَييليب، سوروشدو کي، ايندي چيخيب اؤز يئرينه گئدرسن؟ جاواب وئرديم کي، يوخ! او بير ده ايستئهزا ايله سوروشدو کي، نييه قاييتميرسان؟ بونو دئمکده مقصدي او ايدي کي، آرتيق اؤلورسن.
اونا گؤره ده “قاييديب‌قاييتماماغينين” اهميتي يوخدور. من يئنيدن جاواب وئرديم کي، قاييتماياجاغام. اونا گؤره کي، هله موباريزه‌ميز قوتارماييب. او، بير ده منه باخيب، بوتون گوجو ايله سيلله ووروب امر ائتدي کي، بيزي ديري-ديري باسديرسينلار، ايزيميز ده تاپيلماسين. بو زامان حيسئتديم کي، منيم کيمسه خنجرله باشيمي کسمک ايسته‌يير. چنه‌مي دؤشومه طرف سيخديم. اونا گؤره ده خنجر نفس بوروما يئتيشمه‌دي. هر حالدا بوغازيمين خئيلي حيصه سي کسيلميشدي. اوراداکيلار بيزي ديري-ديري قبره باسديرديلار. انساريگيل بير قدر اوزاقلاشان کيمي تپه‌ده گيزلننلر گليب، بيزي “قبردن” چيخارديلار. بيزيم قبيردن چيخارديلماغيميزا انسارينين دستسيندن اولان کنديلر ده کؤمک ائتميشديلر. بيز يئرييه بيلمه‌ديگيميز اوچون گئديب، قونشو کنددن تابوت گتيريب، بيزي ديري-ديري تابوتا قويوب، چييينلرينده قونشو کنده آپارديلار. همين کنددن مييانايا خبر گؤندريب، هيزبي يولداشلارا بو حاديثه حاقيندا خبر وئرميشديلر. يولداشلار گلنه قدر بيزه کندده “ايلک يارديم” گؤستريلدي. هر شئيدن اول قاني آخان يارالاريميزي باغلاديلار.
 
ايرانين هر يئرينده اولدوغو کيمي، مييانانين کندلرينده ده حکيم و باشقا طبیب ايشچيسينه راست گلمک مومکون دئييلدي. اونا گؤره ده هر کندين اؤزونون اؤز يئرلي “حکيملري” اولوردو. بونلارين اکثريتي ياشلي قادين و بعضاً ياشلي کيشيلردن عيبارت اولورلار. بونلار موعين خسته‌ليکلري اوت‌آلافلا “موعاليجه” ائديرلر. بيزيم يارالاريميزي باغلاديقدان سونرا، بيزه جفته سويو دا ايچيرميشديلر کي، قورخو بيزدن گئتسين. سونرا بيزيم آخان قانيميزين يئريني “دولدورماق” اوچون اريديلميش کره ياغي ايچيرتديلر. منيم خبريم اولماييب، دئييلنلره گؤره بيزيم قهرمانليغيميزا “گؤز ديمه‌سين” دئيه بيزه اوزرليک ده يانديريبلار.
يقين کي، اونو “اوزرليکسن‌هاواسان، هازار درده داواسان” سؤزلريله باشلايان ماهنيميزي دا اوخويوبلار. نهايت، من بير ده اؤزومه گه‌لرکن اؤزومو مييانا خستخاناسيندا گؤردوم.
بو حاديثه چوخ بؤيوک صورتله هر يئره، او جومله‌دن ساراب ماحالينا دا چاتدي. هر حالدا بيزيم ديري قالماغيميزي هامي مؤعجيزه حساب ائديردي. بيزيم “ايلاهي قوووه‌لر” طرفيندن ده مودافيعه اولونماغيميزا شاييعهلر ياييلميشديلار. چونکي بيزي اؤلدورمه‌يه گلنلر ۲۰۰-۲۵۰ نفردن چوخ ايديلر. بوندان باشقا انساري اؤزو بو ايشه رهبرليک ائتميش، بيزي تام معناسيندا اؤلدورموشلر و حتّي باشيميزي دا کسميشلر و نهايت، بيزيم اؤلدويوموزو گؤروب، باسديرميشلار. هر کس اولماسيندان آسيلي اولماياراق “مين جاني” اولانين بو حاديثه لر “بير جاني” بئله قورتارماز. هر حالدا گئنيش خالق کوتله‌لري ايچريسينده جوربجور “ايلاهي قوووه” کؤمک ائتمه‌سي کيمي شاييعه لر گزميش و يقين کي، اينانانلار دا آز اولمامشدي.
من تکجه اونو دئيه بيلرم کي، چوخلو حاديثه لر، چوخلو فاکتورلار گؤسترمک اولار کي، بير کوممونيست تاماميله “اؤلدورولندن” سونرا يئنه ده “ديريليب” – گؤرونور، دئييلنلر دوغرودور. کوممونيستلر “خوصوصي مئتالدانديرلار”.
او کي، منه قالارسا، من کوممونيستلرين جيسماني هانسي مئتالدان اولماسيني دئيه بيلمرم. لاکين اونو دئيه بيلرم کي، کوممونيستلر بير قايدا اولاراق پولاد ايراده‌لي اولورلار و منجه اونا گؤره ده باشقالارينا نيسبتن داواملي اولوب، هله‌هله اؤلمورلر و بعضاً جيسماني اؤلسه‌لر ده، معنوي جهتدن اؤلمزلييه قوووشورلار. هر حالدا بيز ده اؤلمه‌ديک – ساغ قالديق و سونرادان باجارديغيميز قدر موباريزه‌ميزه داوام ائتديک.
قئيد ائتديگيم کيمي بو حاديثه اطرافا چوخ تئز ياييلدي، هر يئردن يولداشلار گؤروشوموزه گلير و بوتون قورولوشا قارشي اؤز نيفرتلريني بيلديريرديلر. چوخ تئزليکله هامي باشا دوشدو کي، ايرتيجا قوووه‌ليليگيندن يوخ، بلکه عاجيزليگيندن و سون گونلريني کئچيرديگيندن بئله بير غئيري-اينساني ايشه ال آتيب. بو حاديثه اؤزلوگونده تشکيلاتين مؤحکملنمه‌سين، يولداشلارين تشکيلاتلا علاقه لرينين آرتماسينا سبب اولماقلا ايرتيجانين، او جومله‌دن سئييد زيياددينين خئيريييه تشکيلاتينين نوفوزدان دوشمه‌سينه و يارامازليغينين آشکارا چيخماسينا سبب اولدو.
سارابدا بو حاديثه لري ائشيدن کنديلر تشکيلاتا توپلاشيب،بيرليکده گئده‌رک کندي ده توتماق قرارينا گلديلر. بو ايشه ساراب تشکيلاتي مانع اولور. کنديلر ايچريسينده ايضاحات ايشي آپارير. نهايت، کنديلرين قارشيسينينين آلينماسينين او قدر ده آسان اولماياجاغیني گؤروب، بئله قرارا گليرلر کي، کنديلر اؤز نوماينده‌لريني منيم يانيما گؤندرسينلر، من نه مصلحت گؤرسم، اونلار ائله ده حرکت ائتسينلر. بو تکليفه راضي اولان کنديلر اؤز نوماينده‌لريني منيم يانيما گؤندرديلر.
چوخ دانيشيقدان سونرا يئنه ده اونلار دوشمندن اينتيقام آلماقدان دانيشيرديلار. کئچميشده بئله ايدي کي، بير فئودال اؤزونون دوشمنيندن اينتيقام آلماق اوچون اونون کند و کنديلريني قارت ائديرديلر. من يولداشلاري هر حالدا باشا سالماغا چاليشيرديم کي، اونلار دا بيلسينلر کي، بئله “اينتيقام آلماق” قايداسي کئچميش فئوداليزم دؤوروندن قالما تدبيردير. اونلاري باشا سالديقدان سونرا اونلارين آخيرينجي سوالي بو اولدو کي، بس بيز ايرتيجانين بو آزغينليغي موقابيلينده نه ائدک؟
من دئديم کي، ايسته‌ييرسيز کي، ايرتيجايا اونون ائله‌ديکلريندن لاپ قات‌قات آرتيق ائدسيز اوندا گئديب، تشکيلاتي داها دا مؤحکمله‌دين. اوندا ايرتيجايا ان آغير و اؤلدوروجو ضربه وورموش اولارسينيز. اونلاري نهايت، راضي سالديم و سؤز وئرديم کي، خستخانادان چيخان کيمي پنبگي ايله حؤکمن سارابا گه‌لريک. يولداشلار منيمله راضيلاشيب، گئتديلر. اونلاردان خواهيش ائتديم کي، گؤروشنه قدر يولداشلارا بيزدن سالام يئتيرسينلر. خستخانايا چوخلو يولداشلار گلير، حال‌احواليميزي خبر آلديقدان سونرا، اينتيقام آلماق اوچون هره بير جور تکليفلر ائديرديلر. کيمي انساريني اؤلدورمک، کيمي ژاندارم ريسيني تئررور ائتمک، کيمي داها بير باشقاسيندان موختليف واسيطه‌لرله اينتيقام آلماغي تکليف ائديرديلر. من تقريبن يولداشلارين ياش، ساواد، بيلگی و سياسي معلومات درجه‌لريندن آسيلي اولاراق موختليف طرزده دانيشساق دا، صؤحبتيميزين مضمونو اوندان عيبارت اولوردو کي، بيزيم ان ياخشي کسرلي و تاثيرلي “اينتيقاميميز” تشکيلاتيميزين مؤحکملنمه‌سي اولار. سونرالار گلنلرين سايي او قدر چوخالدي کي، خستخانا دا گؤروشمه‌يه ايمکان اولماديغيندان هر نئچه ساعاتدان بير حکيملردن و يا خستخانا ايشچيلريندن باشقاسي واختاشيري چيخيب، گلن يولداشلارا معلومات وئريرديلر.
سئييد زيياددينين تشکيل ائتديگي خئيريييه تشکيلاتي اؤز ماهيتيني بوروزه وئرديگينه گؤره چوخ تئز بير زاماندا داغيلماغا باشلادي. بيزيم يانيميزا مييانا کومئندانتي محرموو و آبدوللا انساري گلميشديلر. مني بو وضعيتده گؤرن محرموو سوروشدو کي، بو نه احوالاتدير؟ بو نئجه اولموش؟ سيزي نه اوچون بئله حالا ساليبلار؟ بيزيم وضعيتيميزين حقيقتن بؤهرانلي واختي گلميش محرموو يالنيز بئله قيسا، تعجوبلنديريجي سواللار وئرمکدن باشقا سانکي آيري سؤز تاپيب دئمکده چتينليک چکير، سانکي باشقا سؤزلر اونون ياديندان چيخميشدي. من اونون بير نئچه قيسا سوالينين جاوابيني مندن يوخ، يانينداکي بيشرفدن سوروش‌دئديم.
اوزومو انسارييه چئويريب دئديم کي، ياخشي اولدو کي، اؤلمه‌ديم، بورادان دوروب سيزينله حسابلاشاريق. محرموو چوخ موته‌سير حالدا خستخانادان چيخدي. انسارينين نه کؤکه دوشمه‌سيني گؤره بيلميرديم، هر حالدا اونو بيلديم کي، اؤزونو آياق اوسته چوخ چتين ساخلاييب، خستخانادان چيخيب گئتدي. انساريلردن ايکينجي شخصله “گؤروشوموز” بئله باشا چاتدي. گله‌جک “گؤروشلريميز” حاقيندا سونرالار يئري گلديکده دئيرم.
بيز خستخانادا آي ياريمدان بير قدر ده چوخ قالمالي اولدوق. هر حالدا بئله تئز بير زامان، داها دوغروسو، ۵۰ گون ايچريسينده خستخانادان چيخماغيميزدا ايشچيلرين سيي ايله بيزيم اَيادتيميزه آردي-آراسي کسيلمه‌دن گلن يولداشلاريميزين بؤيوک معنوي کؤمکلري اولدو. بيز خستخانادا اولدوغوموز مودتده و بورادان چيخاندان سونرا دا سايسيز‌حسابسيز مکتوبلاردا يولداشلار اونلارلا گؤروشمگيميزي آرزو ائتديکلريني بيلديريرديلر.
بيزيم حاديثه دن ياخيندا اولانلار اؤزلري خبر توتموشدولارسا، ايرانين باشقا يئرلرينده اولانلار حاقيميزدا “رهبر” روزنامه‌سينين يازماسيندان بيليرديلر. اونا گؤره ده چوخلو يولداشلار بيزيمله گؤروشمک فيکرينده اولدوقلاريني بيلديرديلر و بئله يولداشلارين گؤندرديکلري مکتوبلارين سايي گئتديکجه آرتيردي. بيز مکتوبلارا جاواب وئرمه‌يه بئله واخت تاپميرديق. هر حالدا بيز تدريجن وئرديگيميز وعدلره عمل ائتمه‌يه باشلاديق. تشکيلاتلارا گئدير، ميتينقلرده چيخيش ائديب، ايرتيجانين عمللريندن، اونلارين جينايت، فيتنکارليق و بو کيمي ياراماز فاجيعه لري ايله ياناشي اونلارين زيفليگيندن، قورخاقليغيندان و سون آنلاريندا هر جوره غئيري-اينساني حرکتلره آل آتماغا حاضير اولدوقلاريندان دانيشيب، بونون موقابيلينده تشکيلاتين مؤحکملنديريلمه‌سيني تؤوسييه ائديرديک. بو حاديثه او قدر قمگين و قبيح ايدي کي، حتّي ايران هئيتي حاکيمه‌سي بو فاجيعه ني تؤره‌دنلري تبريزه آپاريب، اورادا بير هفته ساخلاديقدان سونرا تئهرانا آپارميشديلار.
اوغوزتی وی
Comments,Baxışınız
oguz gif telegram
Play All Replay Playlist Replay Track Shuffle Playlist Hide picture