/  
بیریمجی صحیفه » مقاله لر و باخیشلار » گونئی آذربایجان ميلي حرکات فعال لاري هويت طلب ،يا ايرقچي دئييل ميللي فعالار ميلييتچيدير

گونئی آذربایجان ميلي حرکات فعال لاري هويت طلب ،يا ايرقچي دئييل ميللي فعالار ميلييتچيدير

  اوغوزتی‌وی :۸۰ ايلليک اريتمه سيياستي و ايقتيصادي-سياسي تزييقلر و فشار لار ، ميللي واريلغيميز تالانيب تورپاقلاريميزين ايشغال ائديلمه‌سين، همچنين ميللي کيمليگيميزي يوخ ائدن فارس ايشغالچيلارينا قارشي گونئي آذربايجاندا باشلانان قورتولوش ساواشينا عومومي آنلامدا گونئي آذربايجان ميللي حرکاتي دئييلير. ميللي حرکاتين اساس آماجي فارس ايشغاليندان قورتولاراق موستقيل ميللي دؤولتيميزي قورماقلا ميلتيميزين ريفاهيني، امنيتيني و آزادليغيني تمين ائتمکدير.

ميللي حرکت اصلينده ، جينسيندن، دينيندن، سياسي دوشونجه‌سيندن آسيلي اولماياراق بوتون طبقه‌لري اؤزونده بيرلشديره‌رک آذربايجان وطنداشلارينين ازادليغي و حوقوقلولاري اوغروندا موباريزه آپارير. آذربايجان ميللي حرکاتيندا ان چوخ ديقت يئتيريلن مسله‌لردن بيري ده قادينلارين حرکتدکي يئري و اؤنميدير.

فارس کولتوروندن فرقلي اولاراق تورک کولتورونه اساسن حرکتده قادين کيشي برابرليگينه ديقت يئتيريلير . حرکاتيميز بوتون طبقه‌لرين فهله‌لرين، اکينجيلرين، تيجارتجيلرين، معليملرين، حکيملرين و سايره‌نين، قيساجاسي بو ميلته منسوب اولان هر کسين حرکاتيدير. عینی زاماندا میلی‌ حرکت فمنیست دیرلری اوستون توتان چاغداش بیر حرکتدی

حرکاتيميز نه اينکه اؤز اطرافيندا بيرلشديرديگي اينسانلارا خطاب ائدير، همچنين بوتونلوکله ايران آدلانان يئرده کؤله‌ليک، ايشغال، ايستيثمار، تهقير ياشايان بوتون ميلتلرين آزادليغينا نايل اولماق ايسته‌يير. دين و ويجدان آزادليغينين تمين ائديلمه‌سين، اعدام، ايشکنج، زوراکيليق و دوشونجه دوستاقليغينين آرادان قالديريلماسينا، سيويل قانونلار اساسيندا مدرن قانوني دؤولتيني قوراراق وطنداشلارين برابرحوقوقلارينين تامين ائديلمه‌سينه چاليشيلير.

بير سؤز ایله ، ميللي حرکات آنا خط اولاراق بوتون دوشونجه‌لري اؤزونده بيرلشديريب، اينسان حاقلارينين ساوونولماسينا قوللوق ائدير.
گونئي آذربايجان ميللي حرکتي باريش سئور،وطنسئور، اينسانسئور، عدالتسئور، آساييشين تامين ائديلمه‌سينه چاليشان، ميللي معنوي ديرلرين قورونماسينا خيدمت ائدن دئموکراتيک‌ سيويل حرکتدير.

ميللي حرکت قادين کيشي برابر حقوقون تامين ائدررک قادينلاريميزاولان ظولمه سون قويماق ايسته‌ين حرکتدير.
آذربايجان ميللي حرکتي ياسال دؤولت قوراراق، اينسانلاري دينين، ديلين، ميللي منسوبيتين، جمعيتده‌کي طبقلشمه‌سينه گؤره آييرمادان ائشيت حوقوق و ريفاه يارداراق،يورددا و بؤلگه‌ده باريشين ساغلانماسيني تمين ائتمه‌يه چاليشير. ميللي حرکات ايرقچيلييه قطعي قارشيدير و ايرقيچيليگين بوتون فورمالاريني رد ائتمکله ميلتلرين ائشيت حوقوقا ماليک اولماسيني ساوونور.

آذربايجان ميللي حرکتي ب.م.ت( سازمان ملل) اينسان کونوانسييونلاريندا قئيد ائديلن بوتون حوقوقلارين تامين ائديله‌جگي باغيمسيز آذربايجان دؤولتي قورماق اوغروندا موجاديله وئرير.


ميللي حرکت فعال لاري هويت طلب ،يا ايرقچي دئييل ميللي فعالار ميلييتچيدير

بعضيلري غرضلي اولاراق  دنا (DNA)،نژاد, قان تئستلري، لابوراتور آنازليلري اساسيندا تعريف و يا تبليغ ائده‌رک ميلتچيلري ,نژادپرست ايرقچي گؤسترمه‌يه چاليشيرلار. آذربايجان ميلي حرکاتي بو ايدئالاري تاماميله ردد ائده‌رک قان اوستونلوگونو، ايرق اوستولوگونو دئييل، ميلتين توپلو حوقوقونو مودافيعه ائتمکله، باشقالارينين ايشغال و تاپتاغيندان قورتارماغا چاليشير. ميلتچيليک اينسان اوزرينده دنمه‌لر سونوجو يارانان ايدئا فورماسي دئييل، ائتنيک کيمليگيني، ميللي حوقوقونو ساووندوغو اوچون ايدئالوژي آنلاييشدير.

نئجه کي، ديني ساوونانلار دينچي، ايشغالي ساوونانلار ايشغالچي، ايراني ساوونونلارا ايرانچي، ايستيثمار ائدنلره ايستيثمارچي دئييلير،ميلتين ساوونانادا ميلتچي دئييلير.

گونئی آزربایجان بوز قوردلار


هر هانسي بير اوستونلويه اصلا اينانماياراق آذربايجان ميلتي دئديگيميزده اؤزونو آذربايجانلي بيلن، اؤزونو آذربايجانين وطنداشي سايان هر کسي قصد ائديريک. آذربايجانلي اولماق هور ايراده ايل، قورخمادان، مجبور ائديلمه‌دن، قورور دوياراق، حاقيني وئره‌رک، صميميت و صداقتله “آذربايجانلييام” دئيه بيلمکدير.

آذربايجان تورکلري دئديگيميزده بوتون آذربايجان توکلري آنلاميندادير بو تورکلر ايستر آذربايجان اراضيسينده اولسون و يا کناردا ياشاسينلار فرق ائتمز. ميلتچي اولماق ميلي اوستونلوگو ساوونماق، قان تميزليگي کيمي  ايدئايايا داياناراق راسيست اَيلملر حياتا کئچيرمک دئييلدير، سادجه اؤز ميلي کيمليگيني آزادليقلا ديله گتيره‌رک اونو قورويا بيلمکدير، همچنين ميلتينينين ريفاهدا ياشاماسينا نايل اولماقدير.

مطلقا بو ايستک هم فرد اولاراق، هم ده ميلت اولاراق هر کسين دوغال حاقيدير. قيساجاسي، آذربايجان ميللي حرکاتي دا بو دوغال اينسانليق حاقيني طلب ائده‌رک آذربايجان ميلتينين هئچ بير ميلتدن آشاغي اولدوغونو دوشونمه‌ديگي کيمي، اونون ديگر ميلتلردن اوستون اولدوغونو دا ظن ائتمير. تک آماچ آذربايجاني فارس ايشغاليندان قورتارماق و تورپاقلاريميزدا حاقيميز اولان ايداره‌چيليگي اله آلماقدير.

 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture