/  
بیریمجی صحیفه » مقاله لر و باخیشلار » ۲۰ ژانویه ،۵۰ ميليونلوق بوتؤو آذربايجان تورکلرينه شرف صحيفه سيدير.
ژانویه سیاه روز حماسه و قهرمانی برای ملت ۵۰ میلیونی تورک آزربایجان است

۲۰ ژانویه ،۵۰ ميليونلوق بوتؤو آذربايجان تورکلرينه شرف صحيفه سيدير.

اوغوز تی‌وی: آزربايجان تورکلرينين تاريخينه قانلي ژانویه يا قارا يانوار فاجيعه سي کيمي داخيل اولموش ۱۹۹۰-جي ايل ۲۰ يانوار حاديثه لريندن آرتيق ايييرمي يئددي يل کئچير.
۱۹۹۰-جي ايلده باکيدا ۲۰ يانوار و آزربايجان تاريخينده اوندان اول باش وئرميش فاجيعه لي حاديثه لر ۲سر بويو خالقيميزا قارشي يئريديلن دوشونولموش سيياستين نؤوبتي تظاهورو ايدي. شوروی ايشغالچي دؤولتينين رهبرليگينين حيمايتي ايله باشلايان داغليق قاراباغ ايشغالي، آزربايجان تورکلرينه قارشي سويقيريمي و آزربايجانلي لارين ۷مين ايلليک ازلی اؤز تورپاقلاريندان قووولماسي بو سيياستين مرحله لريدير. 

کئچميش روس ايشغالچي دؤولتينين حرب ماشينينين همين گون آذربايجان تورکلرينه قارشي حياتا کئچيرديگي حربي تجاووز اينسانليغا قارشي تؤره‌ديلميش ان آغير جينايتلردن بيري کيمي قالاجاقدير. ميللي آزادليق و اراضي بوتؤولوغو اوغروندا موباريزه‌يه قالخميش دينج اهالييه سيلاحلي تجاووز نتيجه‌سينده يوزلرله گوناهسيز اينسانين قتله  يتييريلدي
 
آزربايجانين میلی‌ ایستیقلالی و ازادلیقی واؤلکه‌ميزه قارشي اراضي ايدعالاري ايره‌لي سورن يوردسوز ارمنيلرين تجاووزکارليق سيياستينه و کئچميش شوروی رهبرليگينين اونلاري حيمايتينه قارشي ميللت قیام اتدی. 
۱۹۹۰-جي ايلين يانوار آييندا م.قورباچوو باشدا اولماقلا روس ايمپئريياسينين رهبرليگي باکيدا وضعيتين اؤز مجراسيندان چيخديغيني و حاکيميتين تهلوکه‌ده اولدوغونو بهانه ائده‌رک قوشونون يئريدي . گويا باکييا قوشون حربي قوللوقچولارين عاييله لريني قوروماق، حاکيميتين زوراکيليقلا اله کئچيريلمه‌سينين قارشيسيني آلماق اوچون يئريديلميشدي. اصلينده ايسه بو تاماميله ساختا بير تئزيس ايدي. چونکي روس رهبرليگينين “دليلري” حتّي حقيقته ياخين اولسايدي بئله، باکييا خوصوصي تعليم کئچميش قوشون گؤندرمه‌يه احتيياج يوخ ايدي. اونا گؤره کي، همين واخت بورادا داخيلي قوشونلارين ۱۱ مين ۵۰۰ عسگري، و چوخسايلي حربي حيصه لري، هاوا هوجوموندان مودافيعه قوووه‌لري، ائلجه ده ۴-جو اوردونون کوماندانليغي دا باکيدا يئرلشيردي.

بوتون بونلارا باخماياراق، ۱۹۹۰-جي ايل يانوارين ۱۹-دا م.قورباچوو  يانوارين ۲۰-دن باکيدا فؤوقلاده وضعيت ائلان ائديلمه‌سي حاقيندا فرمان ايمضالادي. لاکين اهالينين بوندان معلوماتسيز قالماسي اوچون روس“آلفا” قروپو طرفيندن يانوارين ۱۹-دا ساعات ۱۹.۲۷-ده آزربايجان تلوزيونون انرژي مرکزینی (الکتیریک و برق اتاقی‌ ) پارتلاديلدي، آزربايجاندا تلوزيون وئريليشلري دايانديريلدي. گئجه ايسه قوشون فؤوقلاده وضعيت ائلان ائديلمه‌سيندن خبرسيز اولان شهره داخيل اولدو و دينج اهالييه آمانسيز سالديرلدي. يانوارين ۲۰-ده ساعات ۰۰-دک آرتيق ۹ نفر اؤلدورولموشدو. باکيدا فؤوقلاده وضعيتين ائلان اولونماسي حاقيندا معلومات ايسه اهالييه يالنيز يانوارين ۲۰-ده سحر ساعات ۷-ده رئسپوبليکا راديوسو ايله چاتديريلدي. همين واخت اؤلدورولنلرين سايي ۱۰۰ نفره چاتميشدي.
بئله کي، آرتيق يانوارين ۲۰-د  ۱۱۷ سويداشيميز شهيد اولموش؛۷۴۴ آدام آغير خسارت آلميش؛ ۴-شخص ايتکين دوشموش؛ ۴۰۰ نفر ايسه حبس ائديلميشدير. 
۱۹۹۰-جي ايلين يانوار قيرغيني نه قدر فاجيعه لي و آجي اولسا دا، ايشغالچي قوووه‌لر آذربايجان تورک ميلتينين ايراده‌سيني، ميللي آزادليق اوغروندا موباريزه عزميني قيرا بيلمه‌دي.همين گئجه‌ده شهيد اولان وطن اوغوللاري آذربايجانين تاريخينه پارلاق صحيفه يازديلار،آزربايجانين قوزئيينده آزربايجانين ميللي آزادليغي، موستقيليگي اوچون يول آچديلار، اؤزلري بيلمه‌دن آزربايجانين گونئيينده اسير اولان آذربايجان تورکلرين  ميللي اويانيش و ميللي روح بخش ائتديلر. بوگون موستقيل آزربايجان دؤولتينين تاريخينه قانلي ۲۰ يانوار فاجيعه سي, ۵۰ ميليونلوق بوتؤو آذربايجان تورکونون شرف و قهرمانليق صحيفه سي کيمي يازيلميشدير.
اوغوز مئديا بو ميللي و شرفلي گونو حؤرمتله آناراق،شهيدلريميزه تانريدان رحمت،۵۰ ميليونلوقآزربايجان تورکونه بيرليک و باش اوجاليق ،موستقيل دؤولتيميزه ابدييت و آزربايجانيميزا بوتؤولوک ديله‌ييريک.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture