/  
صفحه اصلی‌ » Uncategorized » گونئي آذربايجاندا “بوراسي آذربايجاندير” چاليشتايي باشلاديليب “فارسجا تابلولار سيلينسين”

گونئي آذربايجاندا “بوراسي آذربايجاندير” چاليشتايي باشلاديليب “فارسجا تابلولار سيلينسين”

اوغوز تی‌وی: ايللردير اسير گونئي آزربايجان اراضيلريني “استان” آديلا پارچالايان، باشقا ميلتلره پيشکئش چکن و آزربايجان تورکلرينين تاريخي اراضيلرينين آدلاريني فارسلاشديران فارس رئژيمينه قارشي ،آزربايجان ميللي فعاللاري اؤزل حرکت باشلاديبلار.


سون زامانلاردا سوسيال مئديادا بير قروپ ميللي فعاللاين چاغريشيلا ازربايجانليلاري رئژيمه قارشي يئني بير علاوه  فازدادا ساواشا دعوت ائديبلر. اونلار اؤز چاغريشلاريندا گونئي آذربايجانين موختليف  شهرلرينده اولان ميلتچيلردن ايسته‌ييبلر کي بيرليکده قول قولا وئره‌رک ،ايللر بويو فارس رئژيمينين چيرکين سياستيله آذربايجاندا فارسلاشميش شهر،کند،جاده،مکان و س…آدلاريني تابلولاردان سيليب ، تورکو و آذربايجان کؤکنلي آدلاري تابلولارا گئري قايتارسينلار,بوتون ميللي فعاللاردا خواهيش اولونوب کي بير ميلت اولاراق ال اله وئره‌رک،تورکجه آدلاري و اؤزه‌ليکله‌ده ائللريميز(استان لارا)آزربايجان آدلاريني قايتاريلماسي اوچون اؤز فعالييتلرينده،يازيلاريندا،خبرلرينده قايقي گؤسترسينلر.

کامپانياني تشکيل ائدن ميللي فعاللارآزربايجان بوتون ميللي فعاللاريني (بوراسي آذربايجاندير) چاليشتايينا دعوت ده بيلديريبلر کي بو فعالييت ،هر فعالين راحاتجا و امنييت ايچريسينده، آز مصرف ايله(بير بويا اسپرئي ايله)، آز زامان ايچريسينده ائده بيله‌جگي بير ايشدير وبوفعاليت اؤزو اؤزلوغوند فارس شؤوينيست رئژيمينه قارشي گوجلو بيرمدني موباريزه‌ وايرانچي قوووه‌لره اوچون مؤحکم ضربه و ميلتيميزاوچون گوجلو اويانيش فعاليتيدير.

کامپانيادا ايران رئژيمينين ايللردير استان آديلا پارچالاديغي آذربنايجان توپراغلارينين آدلاريني دئيشمک و يئني ايالت فورماسيندا ميلتيميزه تانيدماق و هر ايالته  آزربايجان ادينين قايتارماق تکليف اولونوب  .
خيابان امام خميني = باش وزير پیشه‌وری
خيابان يا  ميدان انقلاب = ۲۱ آذر
خيابان شهيد ….=پرفسور زهتابی,آتا بابک, ستارخان,باقرخان , باباخان,فريدون ايبراهيمي ,محمد امين آزادوطن,محمد امين رسولزاده, قولام يحيا,ائلچي بي,خياباني,پیشه‌وری ….بو کيمي 
خييابان-مئيدان -کوچه فردوسي ,سعدی , حافظ= شهريار,دده قورقود,نسيمي ,نظامی ، …
_
ائسکي تورکو آدلار
نقده=سولدوز
مياندواب=قوشاچاي
مهاباد=سويوق بولاق
بوکان‌=بئيکندي
ملکان =مئليک کندي
___
آذربايجاندا يئني ايالتلري ،ايران استان لاري يئرينه
آردئبيل+استارا+  انزلی بولگه سی‌=اردبيل آذربايجان يا ساحلی آزربايجان
شرقي آذربايجان+زنجان=مرکزي آذربايجان
غربی آذربايجان+ کورد استانينا وئريلميش ۵ آزربايجان شهري =باتي آزربايجان
قزوين+البرز=قزوين آذربايجان يا ايچ آزربايجان
همدان+مرکزي= جنوبي آزربايجان
قم+باتي تهران+کرج=دوغو آذربايجان

اردبيلدن آيريلان و قونداراما گيلک آدي وئرن اراضي تابلوسو( تابئلياسي) اردبيل ميلتچيلري طرفيندن قارالانیب و قوندارما گيلان آديندان تئکرار اردبيل آدينا چئويريليب. 
قايناق:اينستاگرام “بورا آذربايجاندي”

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture