/  
Ön yapraq » زنگان‌دا «قیزیل اؤزن آخیر ۳ » شعر و موسیقی آخشامی

زنگان‌دا «قیزیل اؤزن آخیر ۳ » شعر و موسیقی آخشامی

اوغوز تی وی::قیشین اوّل آیی نین سککیزینده(8/10/94 ) یعنی وحدت هفته‌سینده بیر عزیز بایرام‌دا، «قیزیل اؤزن» انجمنی بیر طنطنه‌لی شعر و موسیقی آخشامی اجرا ائتدی.

اوغوز تی وی خبر وئریر ، قیشین اوّل آیی نین سککیزینده(۸/۱۰/۹۴ ) یعنی وحدت هفته‌سینده بیر عزیز بایرام‌دا، «قیزیل اؤزن» انجمنی بیر طنطنه‌لی شعر و موسیقی آخشامی اجرا ائتدی.

بو مراسم‌ده زنگانین شعر و موسیقی سئور قادین‌لاری و آقالاری اؤز اوشاق‌لاری لا بیرلیکده و چوخلو گنج قیز و اوغلان اشتراک ائتمیشدیلر. زنگان آشیق‌لاری گؤزل اجرالار ائتدیلر و شاعرلر اؤز شعرلرینی مجلس ده کی‌لره اوخودولار.

زنگانین امام فرهنگسراسیندا یئرین آزلیغینا گؤره چوخ آدام‌لارا اوتورماق اوچون یئر اولمادی، اما اونلار عاشقانه چوخلو ماراق لا آیاق اوسته قالیب بو تؤره‌نی دینله‌ییب گؤردولر.

بالاجا قیزلار و اوغلان‌لار شعر اوخودولار و هدیه‌لر آلدیلار. سوندا کتبی مسابقه ده اشتراک ائدن‌لر آراسیندا قرعه چکیلیب اونلارین اون نفرینه کتاب هدیه‌سی وئریلدی.

قیزیل اؤزن انجمنی بو نئچه ایلده اوچ شعر آخشامی اجرا ائدیبدیر. بو مراسیمین آدی «قیزیل اؤزن آخیر ۳ » و اونون آپاریجی‌سی ابوالفضل ایمانی ایدی.

ارشاد اداره سی‌نین مدیرلری ده بو برنامه ده یاردیم ائتمیشدیلر.

قیزیل اؤزن انجمنی‌نین مسئول‌لاری (علی محمدبیانی رئیس، ابوالفضل ملکی زنجانی نائب رئیس، ابوالفضل ایمانی دبیر، رضا قاسمپور بازرس) بو شعر و موسیقی مجلسینه قاتیلان بوتون قوناق‌لاردان و ارشاد اداره‌سین دن تشکر ائده‌رک، یاخین گله‌جک ده آیری بیر مراسیمین قورولماسینی سؤز وئریرلر.

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture