/  
Ön yapraq » Yayım » اوغوزمئدیا قروپونون نظامنامه سی‌

اوغوزمئدیا قروپونون نظامنامه سی‌

آدیمیز، سویوموزدان گلیر ! سویوموزون سسی اولماغا گلدیک

گیریش

آزربایجان توپراق‌لارینین سون ۲۰۰ ایلده آردیجیل اولا‌راق پارچالانماسی و ۸۵% اراضی‌سی‌نین بو گونده ایشغال آلتیندا اولماسی، میللتیمیزی بیر چوخ آلاندا نورمال و ایستاندارد یاشام‌دان گئری قویا‌راق، آغیر دوروما دوشورموشدور. آزربایجان دونیانین اؤنملی بیر پارچاسی و تورک دونیاسینین گؤز ببیی اولماسینا باخمایا‌راق، ایشاغال‌چی میللت‌لرین ایرق‌چی سیاستی و گئری قالمیش مستملکه‌چی‌لیک مدنیت‌لرینین باسقی‌سی نتیجه‌سینده نورمال اینسانی یاشام آلانلارینین هامی‌سین‌دان محروم قالمیش‌دیر
آزربایجان تورکلری، آزربایجانین گونئیینده، قاراباغدا، دوغو تورکمن ائلی و باتی تورکمن ائللرینده اؤز کیم‌لیک و وارلیق‌لارینی قوروماق اوچون اؤلوم‌دیریم ساواشی وئرمکده‌دی‌لر، آنجاق اؤز حاق سسلرینی یئترینجه دونیایا چاتدیرا بیلمدیک‌لری اوچون جدی چتینلیکلرله قارشی‌قارشییا‌دیرلار

اساس مشکل و آجیناجاکلی وضعیت، آزربایجان تورک‌لری‌نین ۲۱ جی عصرده، اؤزلرینه میللی و طرف‌سیز مئدیاسینین اولماماسی و بعضا اولدوغو هاللار`دا, چوخ ضعیف و یئترسیز اولماسی‌دیر.
شوبه سیزکی، چاغیمیزین اوستون تکنولوژی‌سی و اوستون خبرلشمه آراچلارینین اولدوغو بیر دؤورده،بئله سورون‌لارین اولماسی بیر میللتین سس‌سیزجه‌سینه یوخ اولماسیناندن اولا‌جاق.
وطنیمیزی و میلتیمیزی و بو آغیر دورومدان قورتارماق اوچون، هر بیر آزربایجان تورکو دوشونمه‌لی و وطن یولوندا الیندن نه گلیرسه اؤز سعی‌ نی‌ گؤسترمه‌لی‌دیر. بو هر بیر آزربایجان تورکونون میللی بورجودور.

بیز بو میللی وظیفه نی‌ چینلریمیزده حس ائده‌رک، عینی زاماندا سؤز آزادلیغی و دئموکراتیک دیرلره اینانا‌راق، اؤز فعالیت‌لریمیزی ب.م.ت‌ نین (سازمان ملل) نظامنامه سی، اولوسلاراراسی (بین الملل)اینسان حاق‌لاری بیاننامه‌سی و اینسان حاق‌لاری ایله باغلی مؤوجود آوروپا سؤزلشمه‌لرینی اساس توتا‌راق، ایرق‌چی‌لیق، ایشغالچیلیق و آیری‌سئچکی‌لییه قارشی موباریزه آپاریریق. دونیادا یاشایان بوتون اینسان‌لارین برابر حقوق‌لارا صاحب اولدوغونا اینانا‌راق،اؤز میللتیمیزین آزادلیقی و بیرلشمه‌سینی گرکلی بیلیر و دونیانین دیگر ملتلر کیمی، آزربایجان تورکلرینی ده آزاد گؤرمک ایستییریک. بیز بو یولدا آذربایجان تورک گنجلیگی‌نین اینام و .ایراده‌سینه ایناناراق یولا چیخدیق

اوغوز مئدیا قروپو تانیتیم

الف)“اوغوز” مئدیا قروپو، آزربایجان میللی فعالارین‌دان عبارت کؤنوللولر طرفین‌دن قورولوب و مئدیا زمینه سینده “اوغوز آز تی‌وی و‌رادیو” آدییلا چالیشیر.
ب)“اوغوز” مئدیا قروپو هئچ بیر دولت، اؤلکه و سیاسی بیر تشکیلاتا باغلی دئییل. “اوغوز” مئدیا قروپو میللی فعالارین اؤز ایچیندن سئچیلن یؤنتیم قورولو(هیت مدیره ) طرفیندن یؤنتیلیر و مدیریت الونور

پ)“اوغوز” مئدیا قروپو میللی فعالارین زحمتی وکمکی‌ ایله اینترنتدن یاییما باشلاییب، قیسا بیر زامان`دا ماهواره و ساتیلیت ایله تلویزیون ائکران‌لاردا اؤز دینلییجی و ایزلییجه‌لری ایله گؤروشمیی هدفلییر.
پ)۱ “اوغوز”آز تی‌وی -رادیو ، سیته و ائله‌جه حاضرلانان یاییم‌لارینین مادی مصرف لری و خرج‌لرینی، میللی فعالارین یاردیمی و کؤنول‌لواوغوز مئدیا قروپونون یؤنتیم قورولو (اوم ی ق) اویه‌لری‌نین طرفیندن قارشی‌لانیر . اوغوز مئدیا قروپویاییم‌لارینین مادی مصرف لری و خرج‌لری ، بوتؤو آذربایجان و تورک دونیاسینین کؤنول‌لو میللی فعالارین مادی یاردیم‌لارایلا قارشیلانیر ،بونون یانیسیراسیندا “اوغوز” مئدیا قروپو،گلجک`ده “اؤز ایمکان‌لاری داخیلینده” اؤز یاییم‌لارینین گونده‌لیک مادی مصرف لرینی قارشیلاماق اوچون،تورک دونیاسینین ایش آلان‌لارینا ،سیاسی و کولترل و دیاسپورا آلان‌لارینا ،اوغوز تو ائکرانلارنیندا و وئب سیته‌سینده ، مئیدا خیدمت‌لری سونماغلا چالیشاجاقدیر

ت)“اوغوز” مئدیا قروپو تورک میللتی‌نین سسی اولماغی مرام سئچه‌رک ، اؤز ایمکان‌لاری داخیلینده، باشدا آزربایجانین گونئیی اولماق`لا، بوتؤو آذربایجان میللی مسئله‌لرینی و ائله‌جه تورک دونیاسینین پرده آرخاسیندا قالان میللی سورون‌لارینی آیدینلاتا‌جاق‌دیر.

اوغوز مئدیا قروپو یایین ائتیک‌لری و ایلکه‌لری

الف)“اوغوز مئدیا قروپو”، اؤز تی‌وی‌رادیو و سیته‌سین‌دن یایدیغی بوتون یاییم و خبرلرده، اؤز ائتیک دیرلرینه دایانا‌راق فعالیت ائده‌جک‌دیر.

ب) “اوغوز مئدیا قروپو”، اینسان حاق‌لاریندا تعریف اولونموش مئدیا ایلکه‌لرینه درین‌دن اینانا‌راق، گرچک، دوغرو، طرف‌سیز و باغیم‌سیز بیر دوروشلا، میللتیمیزه بیلیگی تامین ائتمیی و ائله‌جه میللتیمیزین سسی اولماغی اؤزونه بورج بیلیر.
ب) دوشونجه، اینانج و ویجدان ایفاده‌سی، ائلجه`ده سیاسی باخیش‌لار آزادلیقی ,اوغوز مئدیا قروپوندا سینیرلاییجی اولمایا‌جاق‌دیر.

ب)اوغوز مئدیا قروپو” رسمی صحیفه‌لرینده و یایینلارین`دا هئچ کیمسنی، آدی، میللیتی، ایرقی، جینسیتی، یاشی، ساغلام‌لیق دورومو، خاریجی گؤرونوشو، سوسیال سویه‌سی، اؤزل حیاتی، دینی اینانج‌لارینا گؤره دیرلندیرلمیجک ,قینانمایا‌جاق و آشاغیلانمایا‌جاق‌دیر، آینی زاماندا، بئلنچی داورانیشلارا`دا دیگرلری طرفین‌دن (اوغوز مئدیا فعالیتی‌نین چیزگی‌لری ایچینده ) کسین‌لیکله ایزین وئریلمییه‌جک‌دیر.

ب) گئنل اخلاق آنلاییشین‌دان اوزاق، هر هانسی بیر داورانیشلارا یول وئریلمه‌یه‌جک. اینسان‌لارین اؤزل هیاتی وه آیله ایلکه‌لری، اونلارین دینی وه دونیوی باخیش‌لارینا گؤره دیرلندیریلمه‌یه‌جک‌دیر سیاسی باخیش‌لارینا سایقی قویلا‌جاق

ب) ایران و ائرمنیستان دولتلری‌نین حقوقی یاسا‌لاری واونلارین وئردیغی قرارلارخاریجینده ، بوتون دونیا اؤلکه لرینده متهم ,سانیک اولدوغو بیری‌سی یاشادیغی اؤلکه‌نین قانونونیلا، یا تشکیلات قئیدیات اولدوغو اؤلکله‌نین یاسا و یارغی قرارلاری ایله گوناهکار بیلینمدیکجه ، هئچ کیم و هئچ بیر تشکیلات “سوچ‌لو” ساییلمایا‌جاق‌دیر. ایران و ائرمنیستان دولت‌لری دیشیندا بوتون دونیا دؤولت‌لرینه حؤرمت و بوتون دونیا میللترینه سایغی ایله یاناشیریق. ایران و ائرمنیستان دئدیکده ائرمنی میللتی و یا ایران‌لی‌لار ( فارس و یا سایره میللت‌لر ) نظرده توتولمور.

ب) دوغرولوغونا شک ائدیلن خبرلر، دوغرولوغون‌دان امین اولما‌دان یایینلانمایا‌جاق‌دیر.

ب) گرکدیغی زامان ,خبر قایناق‌لارینین گیزلی‌لیگینه جدی شکیلده رعایت ائدیله‌جک‌دیر. گیزلی قالماسی شرطی ایله الده ائدیلن خبرلر، بیلگی‌لر، سس و گؤرونتولر کامو یاراری (منفعت افکار عمومی ) جدی بیر بیچیمده گرکمدیکچه یایینلانمایا‌جاق‌دیر. قایناغین گیزلی‌لیک سببی سیاسی، امنیتی، اقتصادی, شخصی وس اولا بیلر.

ب) هر هانسی بیر مئدیا اورقانینا آید برنامه لر ,محصول لار و یاییم‌لار، او یایین اورقانین‌دان ایزین آلینما‌دان ویا آچیق قایناق اولمادیغی سوره‌جه اوغوز تو و رادیو دا یاییملامایا‌جاق‌دیر. عینی داورانیشی قارشیلیغلی اولا‌راق “اوغوز مئدیا قروپو” دیگر مئدیا اورقان‌لارین‌دان گؤزلمکده‌دیر.

ب) دیگر مئدیا قروم‌لارین‌دان آلینان گؤرونتولر، خبرلر،و اله جه آرشیو‌لر قایناق صاحبین‌دن ایزین آلماق`لا یاناشی,برنامه لره‌ ,محصول لارا ال آپارما‌دان، دئییمشه‌دن سونولاجق‌دیر. عینی داورانیشی قارشیلیغلی اولا‌راق “اوغوز مئدیا قروپو” دیگر مئدیا اورقان‌لارین‌دان گؤزلمکده‌دیر.

ب) دیگر مئدیا اورقان‌لاری، اوغوز آز تی‌وی‌رادیونون یاییم‌لاریندا خطالی گؤردوکلری هر هانسی یاییم`دا جاواب و یا تکزیب، حاقینا سایغی دویوروق. بنزر دوروملار`دا قارشیلیغ‌لی سایغی گؤزلییریک.

ب) اوغوز آز تی‌وی‌رادیو ، برنامه لره‌ و سؤیلییش‌لرینه قاتیلان بوتون قوناق‌لار، شخص‌لر، سیاسی تشکیلات‌لار، قوروم‌لار و تارتیشان طرف‌لر ائشیت حاق‌لارا و زامان‌لارا صاحب‌دیرلر. دوشونجلری و قورولوش‌لاریین عمل لری حاقیندا فیکیر یوروتمک اؤته‌سینده، آشاغیلایان وتحقیر یا و و قارالاما نیت لی هئچ بیر ایفاده‌یه کسین‌لیکله یئر وئریلمه‌یه‌جک.

ب) اوغوز آز تی‌وی‌رادیو پروقرام آپارجی‌لاری وبرنامه لره قاتیلان شخص‌ لرین باخیشی و تشکیلات‌لارین دوشونجه‌لری، سیاسی باخیش‌لاری، دینی اینانج‌لاری و باشقا فیکیرلری، “اوغوز مئدیا قروپونون” باخیشی و اینانجینی یانسیتمیر.

ب) “اوغوز مئدیا قروپو” “گنل یایین” اولا‌راق فعالیت گؤستریر و بوتون یاش قروپ‌لارینی اؤزونده بیرلش‌دیره‌رک، هر هانسی بیر جینسل‌لیک و یا خشونت ، آچیق‌ساچیق گؤرونتولره و خبرلره ایزین وئرمیر ، ائله‌جه آیری سئچکی‌لیک و یا سالدیرقان دیلده دانیشقلار و تارتیشما‌لارا یول وئرمییه‌جک‌دیر. اینسان ساغلام‌لیغینا ضرر وئرن و یا اوشاق‌لاریمیزا یانلیش اؤرنک اولان گؤرونتولردن اوزاق اولا‌جاق‌دیر .

“اوغوز مئدیا قروپونون” اورون‌لری (برنامه لر ,محصول لار و یاییم‌لار) ۹۰% آزربایجان تورکچه‌سینده اولماق`لا، ۳ آیری دیلده داها اولا‌جاق‌دیر. یایین‌لارین ۵%- تورک دونیاسینین موختلیف تورکچه لهجه‌لری و شیوه‌لری ولاجاق‌دیر (قاشقایی، آنادولو‌,تورکمنیستان.. ) دیگر ۵%-اینگیلیسجه و فارسجا اولا‌جاق‌دیر.

فارس دیللینده پروگرام یاراتماقلا مقصدیمیز فارس دیلینه قوللوق ائتمک و یا اونو یایقینلاش‌دیرماق دییل‌دیر.آماجیمیز بو دیل‌دن واسطه کیمی ایستیفاده ائده‌رک “ایران” زیندانین`دا اسیر اولان ۴۰ میلیون‌دان آشقین گونئی آذربایجان، قاشقای و تورکمن تورکلری‌نین آغیر دوروملاری دیگر غیر فارس ملتلره (عرب ,بلوچ لًر, گلک ) یانسیتماقدیرچاتیرماق دیر .“اوغوز مئدیا قروپو” اؤز ایمکان‌لاری دایره‌ سینده ایران`دا بوتون اسیر غیر فارس میللت‌لرین سسی اولماغا چالیشا‌جاق‌دیر

اوغوز آز مئدیا قروپو مدیریت و یؤنتیم قورولو
الف)“اوغوز مئدیا قروپو” بیر قروپ میللی فعاللارین ایراده و ایستیی ایله قورولوب و اؤز فعالیتینده یول خریته‌سینی” اوغوز مئدیا قروپونون یؤنتیم قورولو (اوم ی ق)” طرفی‌دن چیزیلیر و بوتون قرارلار بو قورول طرفین‌دن آلینیر.

ب) اوغوز مئدیا قروپونون یؤنتیم (مدیریت)قورولو (اوم ی ق) قوروجو عضولری وفعالیت گؤسترن قاتیلیمجی عضولردن تشکیل اولوب. قرارلار یؤنتیم قورولو (اوم ی ق) اویه‌لری‌نین (۲/۳) ۳-ده ۲-سی توپلاندیغیندا قرار قبول ائدیله بیلر. قرارلار اویلارین %۵۱ چوخون‌لوغولا قبول اولونور و عینی زاماندا قوروجو اویه‌لر آلینان قرارلاری گئری چئویرمه حاقینا صاحب‌دیرلر.

پ)  اوغوزمئدیا قروپونون یؤنتیم قورولو(اوم ی ق) اویه‌لری آراسیندا هر ۶ آیدان بیر اویوئرمه ایله یؤنتیم قورولو (اوم ی ق) سؤزچوسو سئچیلیر. یؤنتیم قورولو (اوم ی ق) سؤزچوسو لازیمی زامان‌لاردا یؤنتیم قورولونون ایستک و یا قرارلارینی آچیقلایا بیلر و چیخیش‌لار ائد بیلر. سؤزچوسونون وظیفه سی‌ یؤنتیم قورولو (اوم ی ق) قرارلارینی آچیقلاماق و چاتدیرماق‌دیر.

ت)“اوغوز مئدیا قروپونون” قاپی‌سی مئدیا آلانیندا تورک دونیاسینین بوتون میللی فعالارینا، اؤزه‌لیکله‌ده گونئی آذربایجان میللی فعالاری و قوروم‌لاری اوزورینه آچیق‌دیر. بوتون وطن‌سئور یازار و قازتجی‌لر، آراشدیرماجی‌لار، مئدیا و تئکنیک اوزمان‌لاری،“اوغوز مئدیا قروپونا” قوشولا‌راق فعالیت گؤستره بیلرلر.
ت)۱. ایران و ائرمنیستان رئژیم‌لریله امکداشلیکدا اولموش و یا تئررور تشکیلات‌لارینا اویه اولان‌لار اوغوزمئدیا قروپونا اویه اولا بیلمزلر
ت)۲. فعال و عضو اولاماق ایسته‌ین سویداش‌لار، اوغوز مئدیا قروپونون اساسنامه و منشور (توزوغونوو)اوخویوبو اینجلییب  , فعالیت شرتلرینی قبول الدیک دن سونرا ، ،اوغوز فورمونو دولدورماقلا عضو اولاماق دیلکجه‌سین , اوغوزمئدیا قروپونون یؤنتیم قورولونا(اوم ی ق) گؤندرمه‌لی‌دیر
ث) یئنی قاتیلان عضولر یؤنتیم و مدیریت قورولونا قاتیلماق ایستدیکلری حالدا ۸ آی فعالیت گؤستریپ و بوتون قوروجو عضولر طرفین‌دن  رای اعتماد آلدیق‌دان سونرا “اوغوز مئدیا قروپونون مدیریت قورولونا ”قوشولما و  رای وئرمه حاقی قازانا بیلرلر.

ج)قوروجو اویه‌لر اویه‌لیکدن آیریلدیق‌لاری حالدا، گئری دؤنمه‌لری تقدیرده، آنجاق ۸ آی چالیشدیق‌دان سونرا یئنی‌دن و ساده‌جه قاتیلیمجی اویه اولابیلرلر.
چ)  اویه اولدوق‌دان سونرا، هر هانسی بیر فعالیت گؤسترمه‌ین اویه‌لر ۸ آی سونرا اوتوماتیک اولا‌راق اویه‌لیکدن چیخاریلا‌جاق‌دیر.

چ) ۱. بو واخت قوروجو اویه‌لر اوچون ۱ ایلدیر

اوغوزمئدیا قروپونون یؤنتیم قورولو(اوم ی ق)ژانویه آیی ۲۰۱۶ جی‌ ایل
 دی‌ آیی ۱۳۹۴
 

Comments,Baxışınız
oguz gif telegram
Play All Replay Playlist Replay Track Shuffle Playlist Hide picture